نۇر- سۇلتان قالالىق پوليتسيا دەپارتامەنتىنىڭ مالىمەتىنشە، وسى كۇندەرى 82 قىلمىس تىركەلىپ، ونىڭ 66-سى اشكەرەلەندى. سونىمەن قاتار بۇرىن جاسالعان 36 قىلمىس اشىلىپ، ىزدەۋدە جۇرگەن 12 قىلمىسكەر مەن زاڭسىز جۇرگەن 37 ادام ۇستالدى. تىيىم سالىنعان زاتتاردى زاڭسىز ساقتاعان نەمەسە الىپ جۇرگەن 23 ادام قولعا ءتۇستى.
«بايقوڭىر» اۋداندىق پوليتسياسى جەدەل ىزدەستىرۋ ءىس- شاراسى بارىسىندا الاياقتىق جاساۋ كۇدىگىنە ىلىنگەن 21 جاستاعى قىزدى ۇستادى. ول ساۋدا ۇيىندەگى شاعىن دۇكەندە كامەلەتتىك جاسقا تولماعان ءجاسوسپىرىمنىڭ قۇنى 120 مىڭ تەڭگەلىك «وپپو» ۇيالى تەلەفونىن الداپ الىپ كەتكەن. كۇدىكتى جاسوسپىرىمنەن تەلەفونىن قوڭىراۋ شالۋعا سۇراپ الىپ، بەلگىسىز باعىتتا بوي تاسالاعان. ودان كەيىن تەلەفوندى ساتىپ جىبەرىپ، تۇسكەن اقشانى ءوز قاجەتىنە جۇمساعان. اتالعان فاكتى بويىنشا سوتقا دەيىنگى تەرگەۋ امالدارى جۇرگىزىلىپ جاتىر»، - دەدى دەپارتامەنتتەن.
سونىمەن قاتار ۆەدومستۆو مالىمەتىنشە، رەيد بارىسىندا ءتۇرلى اكىمشىلىك قۇقىق بۇزۋشىلىق جاساعان 2,5 مىڭعا جۋىق ادام جاۋاپكەرشىلىككە تارتىلدى. ونىڭ ىشىندە وتباسىلىق جانجال شىعارعان 37 ازامات، مىندەتىن ورىنداماعان 12 اتا- انا، كىشىگىرىم بۇزاقىلىق جاساعان 216، تىنىشتىق بۇزعان 283 ادام بار. قوعامدىق ورىندا ىشىمدىك ءىشىپ، ماس كۇدە جۇرگەن 400-گە جۋىق ادام جاۋاپقا تارتىلدى. سونىمەن قاتار كولىك قۇرالىن ماس كۇيدە ايداعان 28 جۇرگىزۋشى ۇستالدى.
اۆتور: مارلان جيەمباي