جۇمادا ەل اۋماعىنىڭ باسىم بولىگىندە انتيسيكلوننىڭ اسەرىنەن كۇن اشىق بولادى، ال ەلىمىزدىڭ قالعان ايماقتارىندا اۋا اعىندارى بولىكتەردىڭ وتۋىنە بايلانىستى كەي جەرلەردە نايزاعاي جارقىلداپ، وتكىنشى جاڭبىر جاۋادى، جەل كۇشەيەدى، وڭتۇستىكتە - شاڭدى داۋىل.
قىزىلوردا، پاۆلودار وبلىستارىندا، كۇندىز جامبىل، تۇركىستان، شىعىس قازاقستان وبلىستارىنىڭ كەي جەرلەرىندە جەلدىڭ جىلدامدىعى 15-20 م/س جەتەدى، قىزىلوردا وبلىسىندا شاڭدى داۋىل بولۋى ىقتيمال. قىزىلوردا، جامبىل وبلىستارىندا، تۇركىستان، قاراعاندى وبلىستارىنىڭ باسىم بولىگىندە، پاۆلودار، الماتى، اقمولا، اقتوبە وبلىستارىنىڭ كەي جەرلەرىندە، اتىراۋ، شىعىس قازاقستان وبلىستارىندا وتە جوعارى ءورت قاۋپى ساقتالادى.