«جالپى ەلوردادا كوروناۆيرۋس ينفەكتسياسىن جۇقتىرعان 631 ادام انىقتالدى. ونىڭ 36 پايىزى جازىلىپ، 14 كۇندىك ءۇي كارانتينىنە شىعارىلدى. جۇقتىرعانداردىڭ ىشىندە ەر ادامداردىڭ ۇلەسى 55، ايەلدەردىڭ ۇلەسى 45 پايىز. كۆي جۇقتىرعانداردىڭ ىشىندە 18-29 جاس جانە 30-49 جاس ارالىعىنداعى ادامداردىڭ ۇلەسى 36 پايىزدى قۇرادى. 50-59 جاس ارالىعىندا ازاماتتاردىڭ ۇلەسى - 14 پايىز. 60-69 جاس ارالىعىلار – 6،5 پايىز، بالالاردىڭ ۇلەسى 4،2 پايىز» ، - ساۋلە قيسىقوۆا دەدى دەنساۋلىق ساقتاۋ مينيسترلىگىنىڭ Facebook-تەگى پاراقشاسىندا بەرگەن سۇحباتىندا.
باسقارما باسشىسىنىڭ ايتۋىنشا كوروناۆيرۋس جۇقتىرعانداردىڭ 3,7 پايىزىن 70 جانە ودان دا كارى جاستاعىلار قۇرايدى. «سوڭعى تاۋلىكتە ەلوردادا 16 جاعداي تىركەلدى. ونىڭ ىشىندە 8 جاعداي ناۋقاسپەن جاقىن قارىم- قاتىناستا بولعان ادامدار. ولار وسىعان دەيىن ءۇي كارانتينىندە بولعان ازاماتتار. ەكى جاعدايدا ۆيرۋسقا كۇدىكتى ادامداردىڭ مونيتورينگى بارىسىندا بەلگىلى بولدى. ەكى جاعداي وبسەرۆاتسيالىق ەمحانادا جرۆي بەلگىسىمەن تۇسكەن ازاماتتاردىڭ ىشىنەن انىقتالىپ وتىر»، - دەدى ول.
ەلوردادا بۇگىنگى كۇنى 2724 ادام ءۇي كارانتينىندە ورنالاستىرىلعان. «اۋرۋحانادا بۇگىنگى كۇنى 1065 ناۋقاس ەم الۋدا. ونىڭ ىشىندە كوروناۆيرۋس ينفەكسياسى انىقتالعان ازاماتتاردىڭ سانى 395. ونىڭ ىشىندە 12 ناۋقاستىڭ جاعدايى تۇراقتى اۋىر دەپ سانايمىز. ءتورت ناۋقاس رەسپۋبليكالىق ينتەنسيۆتى تەراپيا ورتالىعىندا ەم الىپ جاتىر. ءتورت ناۋقاس وكپەنى جاساندى جەلدەتۋ اپپاراتىنا قوسىلعان» ، - دەدى ول.