كوروناۆيرۋستى 12 دارىگەر جۇقتىردى
11:16, 11 - ءساۋىر 2020
بىشكەك. كابار - قازاقپارات - قىرعىزستاندا COVID-19 كوروناۆيرۋس ينفەكسياسىن جۇقتىرعان تاعى 41 جاڭا جاعداي تىركەلدى، ولاردىڭ 12 سى - مەديتسينا قىزمەتكەرلەرى.
بۇل تۋرالى ەلدىڭ دەنساۋلىق ساقتاۋ ءمينيسترىنىڭ ورىنباسارى مادەمين كاراتايەۆ ءمالىم ەتتى، دەپ حابارلايدى قازاقپارات كابار اگەنتتىگىنە سىلتەمە جاساپ.
ونىڭ ايتۋىنشا، بىشكەك قالاسىنان 8 دارىگەر، نارىن وبلىسىنان 1، وش وبلىسىنان 3 دارىگەر ۆيرۋس جۇقتىرعان. ەلدە COVID-19 ۆيرۋسىن جۇقتىرعان دارىگەرلەردىڭ جالپى سانى 51 ادامعا جەتتى. قىرعىزستاندا بۇگىن تاڭەرتەڭگى مالىمەت بويىنشا COVID-19 كوروناۆيرۋس ينفەكسياسىن جۇقتىرعان 339 جاعداي تىركەلگەن. بەس ادام ۆيرۋستان كوز جۇمعان.