تاعى 12 ەلدىڭ ازاماتتارى قازاقستانعا ۆيزاسىز كىرە الاتىن بولدى
«وڭتۇستىك- شىعىس ازيا، اتاپ ايتقاندا ۆەتنام، يندونەزيا، فيليپپين، تايلاند، سونىمەن قاتار باحرەين، ومان، كۋۆەيت، ساۋد ارابياسى جانە كاتار سياقتى بىرنەشە اراب ەلدەرىنىڭ ازاماتتارى بۇدان بىلاي قازاقستاندا 30 كۇنگە دەيىن ۆيزاسىز تۇرا الادى. 12 ەلدىڭ تىزىمىنە سونىمەن بىرگە ۆاتيكان، ليحتەنشتەين جانە كولۋمبيا دا كىردى. اتالعان ەلدەرگە ۆيزاسىز رەجىم 30- قىركۇيەكتەن باستاپ كۇشىنە ەنەدى. ال جالپى 76 ەلدىڭ ازاماتتارى قازاقستانعا ۆيزاسىز رەجيمدە كەلۋگە قۇقىلى»، - دەپ حابارلايدى باقىت توپتايەۆا.
ۇلتتىق كومپانيا وكىلىنىڭ ايتۋىنشا، 18-20 - قىركۇيەك ارالىعىندا قازاقستان استاناسىندا حالىقارالىق راتا Travel Mart تۋريستىك كورمەسى وتكەن. ازيا جانە تىنىق مۇحيتى ايماعىنداعى تۋريزم يندۋسترياسىنىڭ نەگىزگى ويىنشىلارى، سونىمەن قاتار ەۋروپا، افريكا جانە امەريكاداعى تۋروپەراتورلار قازاقستاننىڭ الەۋەتىنە وڭ باعا بەرىپ كەتكەن.
تۋريستىك قاۋىمداستىقتىڭ جەرگىلىكتى وكىلدەرىمەن وتكىزىلگەن B2B كەزدەسۋلەرىنىڭ ناتيجەسىندە جاڭا تۋريستىك ونىمدەردى ناسيحاتتاۋ بويىنشا ىنتىماقتاستىق تۋرالى الدىن الا كەلىسىمدەر جاسالدى. شارا قاتىسۋشىلارى قازاقستاندا ۆيزاسىز رەجيمنىڭ كەڭەيۋى تۋرالى بۇل جاڭالىقتى قۋانا قابىلداعان.
اۆتور ايان بەكەن ۇلى