ەلدەگى 17 ءوڭىردىڭ 12-سىندە داۋىس بەرۋ اياقتالدى. ولار: نۇر- سۇلتان، الماتى، شىمكەنت قالالارى، اقمولا، الماتى، شىعىس قازاقستان، جامبىل، قاراعاندى، قوستاناي، پاۆلودار، سولتۇستىك قازاقستان، تۇركىستان وبلىستارى.
قالعان 5 وڭىردەگى سايلاۋ ۋچاسكەلەرىندە داۋىس بەرۋ نۇر- سۇلتان ۋاقىتىمەن 21:00-دە (باتىس قازاقستان ۋاقىتىمەن 20:00-دە) اياقتالادى. اتالعان وڭىرلەر: اقتوبە، اتىراۋ، باتىس قازاقستان، قىزىلوردا جانە ماڭعىستاۋ وبلىستارى.
ەسكە سالا كەتەيىك، قازاقستاندا كەزەكتەن تىس پرەزيدەنت سايلاۋى كۇنى سايلاۋ ۋچاسكەلەرى جەرگىلىكتى ۋاقىتپەن 07:00-دە اشىلىپ، 20:00-گە دەيىن جۇمىس ىستەدى. داۋىس بەرۋ اياقتالعان وڭىرلەردە، سايلاۋ كوميسسياسى داۋىستاردى ساناۋعا كىرىسەدى.