دەنساۋلىقتى ساقتاۋ ءۇشىن لاقتىرىپ تاستاۋ كەرەك 12 زات

استانا. قازاقپارات - ەگەر ءسىز ءوزىڭىزدىڭ دەنساۋلىعىڭىزعا بەي-جاي قاراماساڭىز، وندا ۇزاق ۋاقىتتان بەرى قانداي نارسەلەردى لاقتىرىپ تاستاۋىڭىز نەمەسە ولاردى جاڭاعا اۋىستىرۋىڭىز كەرەكتىگىن قاراڭىز.

اۋاعا ارنالعان حوش ءيىستى سپرەي

ولاردا ۇلكەن مولشەردە ادامدارعا قاۋىپتى حيميالىق زاتتار بار. ۇيدەگى يىسپەن پروبلەما تۋىنداسا - وندا ونىڭ شىعۋ كوزىن ىزدەڭىز جانە اەروزولدەردى شاشۋدىڭ ورنىنا سونى جويىڭىز.

گازدالعان سۋسىندار

سودالى جانە ءار ءتۇرلى ءدامدى كولالار. ءبىراق ءاردايىم ەستە ساقتاڭىز، كەز كەلگەن گازدالعان سۋىسىننىڭ قۇرامىنداعى جاساندى تاتتىلەندىرگىشتەردىڭ زياندى ەكەنىن عالىمدار دالەلدەگەن! ىشكىڭىز كەلسە - سۋ ءىشىڭىز. ەگەر ءسىز ءتاتتى بىردەڭە قالاساڭىز - وندا تابيعي شىرىن ءىشىڭىز.

ەسكى كروسسوۆكالار

ەگەر ءسىز سپورتپەن اينالىساتىن بولساڭىز، وندا سپورتتىق اياق كيىم وتە ماڭىزدى ەكەنىن بىلەسىز. الايدا كروسسوۆكا ءومىرى التى ايدان اسپاۋى كەرەك، ايتپەسە اياعىڭىزدا قىشىما قوتىر پايدا بولۋى مۇمكىن.

ەسكى ءتىس شەتكاسى

الەمدەگى بارلىق ستوماتولوگتار پاتسيەنتتەرگە اي سايىن ءتىس شەتكاسىن اۋىستىرىپ وتىرۋعا كەڭەس بەرەدى.

ارتىق زاتتار

بارلىعىندا دا مۇلدەم پايدالانىلمايتىن نەمەسە وتە سيرەك قولدانىلاتىن زاتتار بار. وعان شاڭ باسىپ، ارتىق ورىن الىپ جاتاتىن كادەسىيلار مەن سىيلىقتاردى جاتقىزۋعا بولادى. ولاردىڭ كەيبىرى زىقىڭىزدى شىعاردى نەمەسە ۇنامايدى، ءبىراق لاقتىرىپ تاستاۋعا قولىڭىز بارار ەمەس. جىل بويى پايدالانباعان نارسەلەردى تاستاڭىز - بەرىڭىز، ساتىڭىز، اۋىستىرىڭىز، قالاي دەسەك تە قاجەتسىز زاتتاردان قۇتىلىڭىز.

توڭازىتقىشتاعى ەسكى تاعام مەن ازىق-تۇلىك

ەگەر ءسىز توڭازىتقىشىڭىزدى اشساڭىز، ۇزاق ۋاقىتتان بەرى تاستالماعان تاعامدار مەن ازىق- تۇلىكتى تابا الاسىز. سونداي- اق، سورەلەردە ءبىر قاراپ، جارمالاردىڭ، كونسەرۆىلەردىڭ جانە باسقالارىنىڭ جارامدىلىق مەرزىمىن قاراڭىز. 3 ايدان استام ۋاقىت بويى اشىق قالعان دامدەۋىشتەردى تاستاڭىز جانە ولاردى جاڭاعا اۋىستىرىڭىز.

پايدالانۋ مەرزىمى وتكەن كوسمەتيكا

ءسىز بىلەسىز بە، مىسالى، زياندى ميكروورگانيزمدەر ءسىزدىڭ قارىنداشىڭىزدا پايدا بولۋى مۇمكىن. ال ءسىز ونى بىلمەيسىز جانە كۇن سايىن ونىمەن كوزىڭىزدى ادەمىلەيسىز. كوزگە ارنالعان قارىنداشتى ءار ءۇش ايدا، ءتىپتى ەگەر ول اياقتالماسا دا اۋىستىرۋدى ۇسىنامىز. ءوزىڭىزدىڭ ماكياجىڭىزدى ۇنەمى تەكسەرىپ، ونى جاڭارتىڭىز. ايتپاقشى، كۇننەن قورعايتىن لوسون مەن سپرەيلەردىڭ جارامدىلىق مەرزىمى قىسقا بولىپ كەلەدى. وتكەن جىلى ساتىپ الساڭىز، وسى جىلى ءتيىمدى بولمايدى. ەشقاشان پايدالانۋ مەرزىمى وتكەن كوسمەتيكانى پايدالانباڭىز، سوندا تەرىڭىزدە پروبلەمالار بولمايدى.

جاناسپالى جانە ءتۇستى لينزالاردى ساقتاۋعا ارنالعان سىيىمدىلىق

ولاردى ءۇش ايدا ءبىر رەت اۋىستىرۋ كەرەك، ءبىراق كوپتەگەن ادامدار ونى ءبىر جىلعا دەيىن سوزادى. بۇل كوزدىڭ قابىنۋىنا اكەلۋى مۇمكىن.

كىر جانە بىتەلگەن سۇزگىلەر

كوپتەگەن ادامدار تۇرمىستىق تەحنيكاداعى سۇزگىلەردى اۋىستىرۋ قاجەتتىگىن ەلەمەيدى. شىندىعىندا وندا ءسىزدىڭ دەنساۋلىعىڭىزعا قاتەر ءتوندىرۋى مۇمكىن شاڭ-توزاڭ جينالىپ قالادى.

ەسكى كەۋدەقاپ

كەۋدە قاپ ۇزاق ۋاقىت بويى توزبايدى. ءبىراق بۇل ولاردى ۇزاق ۋاقىت كيۋگە سەبەپ بولماۋى كەرەك. ولار سوزىلادى جانە ناتيجەسىندە ومىراۋدى ناشار ۇستاپ تۇراتىن بولادى. بۇل ونىڭ سىرتقى كەلبەتىنىڭ بۇزىلۋىمەن قاتار دەنساۋلىققا دا كەرى اسەرى تيگىزۋى ىقتيمال. كيىم- كەشەگىڭىزدى جاڭا ءىش كيىمدەرمەن ۇنەمى جاڭارتىپ وتىرىڭىز. بۇل تەك ءسان ماسەلەسى عانا ەمەس.

جوكە جانە ىدىس-اياق جۋاتىن جوكە

ءسىزدىڭ ىدىس- اياق جۋاتىن جوكەڭىز ۇيىڭىزدەگى ەڭ لاس زاتتاردىڭ ءبىرى سانالادى. ءتىپتى دارەتحاناعا قاراعاندا دا لاس. ول ءوزىنىڭ ىشىنە ميكروبتاردى جينايدى. بۇل جۋىناتىن جوكەگە دە قاتىستى.

كەسۋگە ارنالعان تاقتايشالار

 اس ۇيدەگى تاقتايشادا كوپتەگەن ميكروبتار ساقتالادى ء(تىپتى ولاردى كورمەسەڭىز دە - بۇل ولاردىڭ جوقتىعىن بىلدىرمەيدى). وندا باكتەريالار كوبەيە باستايدى. اس ۇيلىك تاقتايشالاردى جۇيەلى تۇردە اۋىستىرىڭىز.

 

دەرەككوزى: "جەنسكوە سچاستە"