باقىتتى ءسابيدى تاربيەلەۋدىڭ 12 ەرەجەسى
الايدا پسيحولوگتار ايەلدىڭ ايەل بولىپ قالۋىنا جاردەمدەسەتىن، بۇل تۇرعىدان ءسابيدىڭ باقىتتى بولۋىن قامتاماسىز ەتەتىن 12 نەگىزگى ەرەجەنى ويلاپ تاپتى.
1. ەگەر بالاڭىز دۇنيەگە كەلسە، ءوزىڭىز تۋرالى ۇمىتپاۋىڭىز كەرەك. كەز كەلگەن مەزگىلدە وزىڭىزبەن اينالىسۋعا ۋاقىت تابۋىڭىز قاجەت. كۇن تارتىبىنە كىتاپ وقۋ مەن سپورتتى قوسقان ءجون. وسىلايشا وزىڭىزگە دە، بالاڭىزعا دا قىزىعىراق بولادى.
2. سىزگە دەمالىستىڭ قاجەت ەكەندىگىن ەش ۇمىتۋعا بولمايدى، سول سەبەپتى قانداي دا ءبىر كۇنى بالانى اكەسىمەن قالدىرۋعا تىرىسىپ، قۇربىلارىڭىزبەن كەزدەسسەڭىز بولادى، ءبىراق بالانىڭ اجەسىمەن ەمەس، اكەسىمەن قالۋى ءتيىس ەكەنىن ەستەن شىعارماڭىز.
3. ايەل زاتى تۋمىسىنان تازالىقتى، دالدىكتى سۇيەدى، ۇيگە بالا كەلگەندە ءبارى سىنىپ نە قيسايىپ قالادى، وسى جاعداي ۇزاق ۋاقىت ساقتالادى دەگەن ويدان ارىلۋ قاجەت.
4. كوپتەگەن ايەلدەر بالا كۇتىمىنە بايلانىستى دەمالىستان شىعار كەزدە قالاي دۇرىس شەشىم قابىلداسام: بالانىڭ قاسىندا وتىرۋ قاجەت پەن، جۇمىسقا ورالۋ قاجەت پە دەپ ويعا شومىپ جاتادى. جاۋاپ بىرەۋ عانا بولۋى كەرەك: ول جۇمىسقا ورالۋ. بۇل بالاعا كەشكىسىن، بولماسا دەمالىس كۇندەرى ۋاقىت بولسەڭىز دە جەتكىلىكتى.
5. ايەل ادام انا اتانعان كەزدە بالانىڭ ءبارى شۋلايتىندىعى تۋرالى ويعا كوندىككەنى ابزال، سوندىقتان شىدامدىلىق تانىتۋى دا ءتيىس.
6. بالالاردى تىڭداي ءبىلۋ قاجەت، ونىڭ ءسوزىن بولمەي، مۇمكىندىك بولعانشا سوڭىنا دەيىن تىڭداپ ۇيرەنۋ كەرەك.
7. انا ءاردايىم انا بولىپ قالۋى ءتيىس، سوندىقتان بالا كەز كەلگەن ۋاقىتتا وزىنە قاجەتتى ساۋالداردىڭ جاۋابىن سىزدەن الۋى كەرەك.
8. بالاعا تەك ماتەريالدى قۇندىلىقتاردى عانا ەمەس، كوپ نارسەنى باعالاي ءبىلۋدى ۇيرەتۋ قاجەت.
9. بالا وزىنە قاجەتتىنى ومىردەن تابۋى ءۇشىن وعان سالماق سالماۋ قاجەت، وزىنە ەرىك بەرۋ قاجەت.
10. بالاعا ءوزىن باعالاي ءبىلۋدى ۇيرەتكەن ابزال. بۇل ءۇشىن انا بالامەن كوپ تاقىرىپتى اڭگىمەلەسىپ، ءوزىن ۇلگى رەتىندە كورسەتە ءبىلۋى كەرەك.
11. دەربەس بولۋ - ءسىزدىڭ بالاڭىزدىڭ تابىس كىلتى. ەگەر اتا-انا بالاعا ءاردايىم كومەكتەسە بەرسە، بۇل ونى العا جەتەلەمەيدى، كەرىسىنشە، كەرتى تارتادى، بۇل دەگەنىڭ بالا ءۇشىن دە، اتا انا ءۇشىن دە جاقسى سەزىم ەمەس ەكەنىن مويىنداۋ قاجەت.
12. ءاردايىم جان دۇنيەڭىزدىڭ ۇيلەسىمىن ويلاڭىز، بۇل ءۇشىن ءوز وتباسىڭىزبەن نەمەسە دوستارىڭىزبەن تابيعات اياسىنا شىعىپ، دەمالۋعا تىرىسىڭىز.
بۇل ەرەجەلەر ءسىزدى تۇرمىس تاۋقىمەتىن تەرەڭ تارتۋدان ساقتاپ، جاقسى انا بولۋىڭىزعا جاردەمشى بولارى انىق.
دەرەككوزى: "جەنسكوە سچاستە"