استانادا بالالار ۇيىندەگى 12 ءسابيدىڭ ەشبىر قۇجاتى جوق
08:11, 06 - ناۋرىز 2018
استانا. قازاقپارات - استانانىڭ مامانداندىرىلعان بالالار ۇيىندە اتا-انالارى بەلگىسىز، بالادان باس تارتۋ تۋرالى قۇجاتتارى راسىمدەلمەگەن 12 تاستاندى بالا تاربيەلەنىپ جاتىر، دەپ حابارلايدى قازاقپارات ەلوردا ينفو سايتىنا سىلتەمە جاساپ.
بالالار ءۇيىنىنىڭ ديرەكتورى ساۋلە كەنجەبايەۆانىڭ ايتۋىنشا، بۇگىنگى كۇنى مەكەمەدە ءتورت جاسقا دەيىنگى 48 بالا بار.
«ونىڭ 21 ىنەن اتا-انالارى باس تارتقان، 15 ى ۋاقىتشا ورنالاستىرىلعان جانە اتا-انالارى قانداي دا ءبىر قۇجاتتى راسىمدەمەستەن تاستاپ كەتكەن 12 بالا بار»، - دەدى س. كەنجەبايەۆا.
ايتا كەتەيىك، 2017 -جىلى استانا قالاسىنىڭ مامانداندىرىلعان بالالار ۇيىنەن 38 بالا اسىراپ الىنعان. 17 ءبۇلدىرشىن قامقورلىققا بەرىلىپ، 35 بالا وتباسىنا قايتارىلدى. سونداي-اق 3 بالا پاتروناتتىق تاربيەلەۋگە بەرىلىپ، 8 بالا پسيحونەۆرولوگيالىق مەكەمەگە تاپسىرىلدى.