ەليزابەت تۇرسىنبايەۆا ءتورت قۇرلىق چەمپيوناتىندا 12-ورىنعا جايعاستى
10:31, 27 - قاڭتار 2018
استانا. قازاقپارات - قازاقستاندىق مانەرلەپ سىرعاناۋشى ەليزابەت تۇرسىنبايەۆا قىتايدا ءوتىپ جاتقان ءتورت قۇرلىق چەمپيوناتىندا 12-ورىن الدى، دەپ حابارلايدى «SPORTINFORM» س ا ا.
قىسقا جانە ەركىن باعدارلامالار بويىنشا سپورتشى قىزىمىز 156,19 ناتيجەسىن كورسەتتى. قازاقستاندىق تاعى ءبىر مانەرلەپ سىرعاناۋشى ايزا مامبەكوۆا 23 قاتىسۋشىنىڭ اراسىندا 20-سىنشى (121 بال) بولدى.
العاشقى ءۇش ورىننىڭ بارلىعى جاپوندىق سپورتشىلارعا بۇيىردى. اتاپ ايتقاندا، «التىن» - كاوري ساكاموتودا (214.21)، «كۇمىس» - ميا ميحارادا (210.57)، «قولا» - ساتوكو مياحارادا (207.02).
27- قاڭتار كۇنى ەركىن باعدارلامادا دەنيس تەن مەن ابزال راقىمعاليەۆتەر ونەر كورسەتەدى. ەسكە سالايىق، مانەرلەپ سىرعاناۋشى ەر ازاماتتارىمىز قىسقا باعدارلامادا - تەن -11، راقىمعاليەۆ 21- ورىن العان بولاتىن.