الەمگە ايگىلى 12 فۋتبولشىنىڭ قازاقستاندىق جەتكىنشەكتەردى قالاي ۇيرەتەتىنى بەلگىلى بولدى
ۇيىمداستىرۋشىلاردىڭ ءبىرى ءاليا ادامبايەۆانىڭ ايتۋىنشا، شەبەرلىك ساباعىنا قازاقستاننىڭ تۇكپىر- تۇكپىرىنەن فۋتبولمەن اينالىساتىن 300 گە جۋىق بالا قاتىسادى. قاتىسۋشىلاردىڭ اراسىندا بالالار ۇيىنەن دە كەلەتىندەر بار. «بالالاردى «EXPO 2017 Football Cup» سايىسىنا قاتىساتىن ءار كوماندانىڭ ەكى ويىنشىسى جاتتىقتىرادى.
ناتيجەسىندە، جەلتوقساندا، ياعني 6 -تامىز كۇنى الەمگە تانىلعان 12 فۋتبولشى بالالاردى دايارلايدى. ءار ۇيرەتۋشىنىڭ ءوزىنىڭ مىندەتى بار: ماسەلەن، ولاردىڭ ءبىرى دوپتى قالاي بەرۋ كەرەكتىگىن ۇيرەتسە، ەكىنشىسى سوققى جاساۋ، تاعى سول سەكىلدى ادىستەردى ۇيرەتەدى»، - دەيدى ول.
ۇيىمداستىرۋشىنىڭ سوزىنە سۇيەنسەك، بالالار ءبىر جاتتىقتىرۋشىدان ەكىنشىسىنە اۋىسىپ تۇراتىن بولادى. شەبەرلىك سىنىپتارىندا جاتتىقتىراتىن فۋتبولشىلاردىڭ ءتىزىمى دۇيسەنبى كۇنى بەلگىلى بولماق.
ەسكە سالا كەتسەك، ەكسپو-2017 كورمەسى اياسىندا 5 -تامىز كۇنى ەلوردانىڭ «استانا ارەنا» ستاديونىندا «EXPO 2017 Football Cup» حالىقارالىق فۋتبول تۋرنيرى باستالادى. ەلوردالىق ستاديوندا قازاقستان، رەسەي، يتاليا، گەرمانيا، پورتۋگاليا قۇراما كوماندالارى مەن الەم قۇراماسى وينايدى. تۋرنيردە دينو بادجو، ماركو دەلۆەككيو، نۋنۋ مانيشە، جان-پەر پاپەن، رومان شيروكوۆ، ۆالەري كارپين، الەكساندر فيليمونوۆ سىندى الەمدىك فۋتبولدىڭ ارداگەر جۇلدىزدارى ونەر كورسەتەدى.
اۆتور: ايان بەكەن ۇلى