دەنساۋلىققا پايدالى 12 تاعام
1. ءسۇت
ادامزات بالاسى دۇنيەگە كەلگەن كەزدە اۋەلى انا ءسۇتىن قورەك ەتەدى. انا ءسۇتى ومىرگە كەلگەن جاس ءسابيدىڭ دامىپ، وسۋىنە ىقپال ەتەدى. سەبەبى، ونىڭ قۇرامىندا بالاعا قاجەتتى ەلەمەنتتەر بار.
جاس سابيگە ءسۇت قانشالىقتى قاجەت بولسا، ۇلكەن ادامدارعا دا سونشالىقتى قاجەت. ءسۇت قۇرامىنداعى اقۋىز تىرناق، شاش ءوسىمىن جاقسارتىپ، سۇيەكتەردىڭ قاتايىپ، مىقتى بولۋىنا اسەر ەتەدى. دارىگەرلەردىڭ ايتۋى بويىنشا، كۇندەلىكتى مايلىلىعى تومەن ءسۇت ونىمدەرىن پايدالانۋ اس قورىتۋ جۇيەسىن جاقسارتادى.
2. ايران
ءسۇت تە بار ەلەمەنتتەر ايراندا دا بار. سونداي- اق، ايراندا اعزاداعى زات الماسۋ جۇيەسىن جىلدامداتادى. ارتىق سالماقتان ارىلۋدى كوزدەيتىن جاندار كۇنىنە 1 ستاكان ايران ىشسە، دىتتەگەن ماقساتىنا جەتە الادى. ديەتولوگ- مامانداردىڭ ايتۋىنشا، ايراندى كەشكى ۋاقىتتا ىشكەن پايدالى.
3. تاۋىق ەتى
تاۋىق ەتىنىڭ قۇرامىندا ۆ توبىنداعى دارۋمەندەر، اقۋىز بەن امينقىشقىلدارى بار. اس قورىتۋ جۇيەسىن، اعزاداعى قان اينالىمىن، جۇرەك پەن بۇلشىق ەت جۇمىسىن جاقسارتادى. قۋىرىلعان تاۋىق ەتىنەن قاراعاندا قايناتىلعان تاۋىق ەتى پايدالىراق.
4. بالىق
بالىق قۇرامىندا اعزاعا قاجەتتى بارلىق ەلەمەنتتەر بار. ونىڭ قۇرامىنداعى انتيوكسيدانتتار قيمىل- قوزعالىس كوورديناتسياسىن جاقسارتىپ، كوتەرىڭكى كوڭىل- كۇي سىيلايدى.
5. كوكونىستەر
ءسابىز، ورامجاپىراق، قىزىلشا قۇرامىندا كوز كورۋىن جاقسارتىپ، تەرىنى قالىپقا كەلتىرەتىن بەتا- كاروتين بار. بەتا- كاروتين كارىلىكتى تەجەپ، اسقازان جۇمىسىن جاقسارتادى. كوكونىستەر انەميا، اۆيتامينوز، بۇيرەك پەن باۋىر اۋرۋلارىنىڭ الدىن الىپ، ولارعا قارسى تۇرا الادى.
6. كيۆي، اناناس جانە تسيترۋس جەمىستەرى
بۇل جەمىستەردىڭ قۇرامىندا س دارۋمەنى بار. اعزاداعى زات الماسۋ جۇيەسىن جاقسارتىپ، سترەسس پەن دەپرەسسيادان ساقتايدى. كوڭىل- كۇيدى كوتەرىپ، يممۋنيتەتتى كۇشەيتەدى. سونداي-اق، جەمىستەر ارتىق سالماقتان ارىلۋعا جول اشادى.
7. مانگو
امينقىشقىلدارى مەن ا، ۆ، س توبىنداعى دارۋمەندەرگە جانە پايدالى ءارى اعزاعا قاجەتتى ەلەمەنتتەرگە تولى جەمىس. مانگو ارتىق سالماق تاستاۋعا، سترەسستەن ارىلۋعا جول بەرەدى. تۇماۋ، رينيت سياقتى اۋرۋلاردىڭ الدىن الىپ، كوز كورۋىن جاقسارتادى.
8. شيە
اعزاعا پايدالى ءتاتتى جيدەك قۇرامىندا يممۋنيتەتتى كۇشەيتەتىن كاروتين مەن س دارۋمەنى بار. كاروتين اعزاداعى زياندى قالدىقتاردىڭ سىرتقا شىعۋىنا ىقپال ەتەدى. ال س دارۋمەنى وكپە، بۇيرەك، انەميا اۋرۋلارىنىڭ الدىن الادى.
9. قارا بۇلدىرگەن
بۇل قارا جيدەكتىڭ قۇرامىندا ۆ دارۋمەنى، گليۋكوزا جانە امينقىشقىلدار بار. اعزاداعى زات الماسۋ مەن كوز كورۋىن جاقسارتىپ، تەرىنىڭ تازا ءارى بالعىن بولۋىنا جول بەرەدى.
10. اسقاباق
قۇرامىنداعى كاليي، كالتسيي، ماگنيي، تەمىر، مىرىش، س دارۋمەنى، اقۋىز، بەتا- كاروتين سياقتى ەلەمەنتتەردىڭ ارقاسىندا اسقاباق ونكولوگيالىق اۋرۋلاردىڭ الدىن الادى. شاش، تىرناق ءوسىمىن جاقسارتىپ، تەرىنى تازارتىپ، قاتايتادى. اعزاداعى زياندى قالدىقتاردى شىعارىپ، ارتىق سالماقتان ارىلۋعا ىقپال ەتەدى.
11. تەڭىز ورامجاپىراعى
مىرىش، تەمىر، كالي، كالتسي، سەلەن، مىس سياقتى مينەرالدارعا باي كوكونىس جۇرەك، اسقازان، زات الماسۋ جۇيەسىن جاقسارتىپ، سەمىزدىك، قانت ديابەتى، يود جەتىسپەۋشىلىگى سياقتى اۋرۋلاردىڭ الدىن الادى.
12. جاڭعاقتار
جاڭعاقتاردىڭ قۇرامىندا ادام اعزاسىنا قاجەتتى بار ەلەمەنتتەر مەن مينەرالدار بار. ول كەز كەلگەن اۋرۋدىڭ الدىن الىپ، وعان قارسى توتەپ بەرە الادى. ديەتولوگ- ماماندار كۇندەلىكتى ءبىر ۋىس جاڭعاق جەۋگە كەڭەس بەرەدى.
massaget.kz سايتىنان الىندى.