كوپ بالالى پەتروپاۆلدىق ەش جەڭىلدىكسىز 12 بالانى قالاي اسىراپ وتىرعانىن ايتتى
ءتىپتى، دارىگەرلەردىڭ مۇنداي وقيعانىڭ سوڭعى رەت قاشان بولعانى ەستەرىندە جوق. قازاقستاندا وسىنداي كوپ بالالى وتباسىلار سيرەك كەزدەسەدى.
بۇل تۋرالى قازاقستان جاڭالىقتارى حابارلايدى.
«مەن ەڭ باقىتتى اكەمىن. 12 بالام بار. ۇيگە كەلسەڭ، ءبارى الدىمنان شىعادى. بۇل ەڭ ۇلكەن قۋانىشىم. بارىنە وسىنداي باقىت تىلەيمىن»، - دەيدى پاۆەل كۋلتۋشەۆ.
باقىتتى اكەنىڭ ءوزى دە كوپ بالالى وتباسىننان شىققان. الدىندا بەس اعاسى مەن ەكى اپكەسى بار. ولاردىڭ بارلىعى ارالاسىپ، ءبىر بىرىنە قول ۇشىن بەرىپ تۇرادى. سوندىقتان ول كوپ بالالى بولۋدان قورىقپايدى.
«ءبىزدىڭ قازىر 4 قىزىمىز بەن 8 ۇلىمىز بار. ءبىرىنشى قىزىمىزدى ايەلىم 20 جاسىندا ومىرگە اكەلدى. ۇلكەن قىزىمىز قازىر 14 جاستا»، - دەيدى كوپ بالانىڭ اكەسى.
ولاردىڭ ۇلكەن 7 بالاسى مەكتەپكە بارادى. ەكى قىزى مەن ەكى ۇلى ءبىر سىنىپتا وقيدى. كىشى بالالارى بالا- باقشاعا بارمايدى.
«ايەلىم جۇمىس ىستەمەيدى. ۇيدە وتىرىپ بالا تاربيەسىنە كوڭىل بولەدى. سوندىقتان بالالاردى بالا- باقشاعا اپاراتىنداي قاجەتتىلىك جوق. ۇلكەن قىزدارىمىز دا اناسىنا ءۇي شارۋاىسىنا قولعابىس ەتىپ، كىشى بالالارعا قارايلاسادى. كوپ بالالى وتباسىندا وسكەن بالا ەرتەڭگى كۇنى باۋىرمال بولىپ، ءبىر-بىرىنە كومەكتەسۋدى جاستايىنان ۇيرەنىپ وسەدى»، - دەيدى پاۆەل.
ونىڭ ايتۋىنشا، ولار تۇرمىسى تومەن وتباسىلارعا بەرىلەتىن جەڭىلدىكتەردى الۋ ءۇشىن، ءبىرشاما قۇجاتتار جيناۋى كەرەك ەكەن. ءبىراق، ونىڭ بالالارىنىڭ كيىمى تۇگەل، قارنى اش ەمەس. ءبىراق، قانداي دا ءبىر جەڭىلدىكتەر بولىپ جاتسا، ودان باس تارتپايتىنىن ايتادى.
«كوپ بالانى اسىراۋ دا وڭاي ەمەس، ءبىراق قۇداي ءوزى كومەكتەسەدى. باستاپقىدا ءۇي تار بولعان سوڭ، ەكىنشى قابات قوسقانبىز. قازىر وعان دا سىيماي جاتىرمىز. ءۇي الۋ ءۇشىن كەزەككە تۇرماقشى بولعانبىز. ءبىراق ءوز مەنشىگىڭدەگى ءۇيىڭ بولسا، مەملەكەتتەن ءۇي بەرىلمەيدى ەكەن. 6 ورىندى ميكرواۆتوبۋسىمىز بار. بارلىعىمىز بىرگە بارار جەر بولسا، ۇلكەن بالالار كىشىلەرىن الدىنا الىپ وتىرادى. وسى ءۇشىن تالاي رەت ايىپپۇل دا تولەگەنمىن. ءبىراق، باسقا امال جوق»، - دەيدى پاۆەل كۋلتىشەۆ.
دەرەككوز: Stan.kz