قازاقستان كاسىپكەرلىكپەن اينالىسۋعا قولايلى ەلدەردىڭ رەيتينگىندە 12 ساتىعا جوعارىلادى

استانا. قازاقپارات - دۇنيەجۇزىلىك بانك پەن حالىقارالىق قارجى كورپوراتسياسى Doing Business-2016 كاسىپكەرلىكپەن اينالىسۋعا جايلى ەلدەردىڭ ءتىزىمىن جاريا ەتتى.

بايانداماعا سايكەس، قازاقستان ءبىر جىل ىشىندە 12 ساتىعا جوعارىلاپ، 41-ورىندا تۇر.

Doing Business حالىقارالىق رەيتينگىندە وسىمەن ونىنشى جىل قاتارىنان سينگاپۋر كوش باستاپ كەلەدى. رەيتينگتىڭ العاشقى وندىعىنا جاڭا زەلانديا، دانيا، وڭتۇستىك كورەيا، گونكونگ،  ۇلى بريتانيا، ا ق ش، شۆەتسيا، نورۆەگيا جانە فينليانديا ەلدەرى كىرگەن.

پوست كەڭەستىك ەلدەردىڭ ىشىندە ەستونيا كوش باستاپ كەلەدى (16-ورىن)، ودان كەيىن ليتۆا (20)، لاتۆيا (22)، گرۋزيا (24)، ارمەنيا (35)، بەلارۋس (44)، رەسەي (51)، مولدوۆا (52)، ءازىربايجان (63)، قىرعىزستان (67)، ۋكراينا (83)، وزبەكستان (87) جانە تاجىكستان (132).

Doing Business جىل سايىنعى زەرتتەۋى ون كورسەتكىش بويىنشا كاسىپكەرلىكپەن اينالىسۋعا جايلىلىقتى باعالايدى. ولار: كاسىپورىندى تىركەۋدىڭ وڭايلىعى، قۇرىلىس سالۋعا جانە ەلەكتر جەلىلەرىنە قوسۋعا رۇقسات الۋ، كرەديت الۋ، مينوريتار ينۆەستورلارىنىڭ قۇقىعىن قورعاۋ. ءادىسناماعا سايكەس، بارلىق كومپونەنت تەڭ جاعدايدا ەسەپتەلەدى. كوپشىلىك ەلدەر ءۇشىن ءبىر قالاداعى جاعداي عانا ەسەپتەلەدى ەكەن، ماسەلەن قازاقستاندا الماتى قالاسىنداعى كاسىپپەن اينالىسۋعا مۇمكىندىك قاراستىرىلعان.

tengrinews.kz