قىتاي پوليتسياسى مەلامين قوسىلعان 12 توننا ءسۇت ءونىمىن تاركىلەدى
19:45, 31 - شىلدە 2014
استانا. قازاقپارات - قىتاي پوليتسياسى قۇرامىندا مەلامينى بار 12,05 توننا دايىن ءونىمدى (تابلەتكا تۇرىندەگى قۇرعاق ءسۇت) تاركىلەدى.
ازىق-تۇلىك پەن ءدارى-دارمەكتەردىڭ قاۋىپسىزدىگى سالاسىنداعى قۇقىق بۇزۋشىلىققا قارسى كۇرەس ناۋقانى كەزىندە قىتايدىڭ گۋانجوۋ پروۆينسياسى چاوجوۋ قالاسىنىڭ پوليتسەيلەرى قۇرامىنا مەلامين قوسىلعان ءسۇت ونىمدەرىن ءوندىرۋ مەن ساتۋ ءىسىن اشكەرەلەدى.
ناتيجەسىندە 12,05 توننا دايىن ءونىم (تابلەتكا تۇرىندەگى قۇرعاق ءسۇت) مەن 13,5 توننا جارتىلاي فابريكات تاركىلەندى. ايتا كەتسەك، 2008 - جىلى قىتايدا بىرنەشە بالا ءولىمى تىركەلگەن بولاتىن. بالالاردىڭ بارلىعى قۇرامىندا مەلامينى بار تاعامنان ۋلانعان.
ادەتتە بۇل ۋلى زات پلاستماس، جەلىم جانە تاعى باسقالاردىڭ وندىرىسىندە قولدانىلادى. ساراپشىلاردىڭ پايىمىنشا، سۇتكە قوسىلعان مەلاميندى انىقتاۋ وتە قيىن، ال وسى تاعامنان ۋلانعان ادامنىڭ دەنساۋلىعىنا ۇلكەن زيان كەلۋى مۇمكىن.
24.kz