«مەملەكەتتىك تاپسىرىس شەڭبەرىندە بالىق ءوسىرۋ كاسىپورىندارى 2017-جىلى 127,7 ميلليون دانا قۇندى بالىقتاردىڭ شاباقتارىن ءوسىرىپ، بالىق شارۋاشىلىعى سۋ ايدىندارىنا جىبەردى»، - دەلىنگەن حابارلامادا.
مينيسترلىكتىڭ مالىمەتىنشە، اتىراۋ بەكىرە بالىق ءوسىرۋ زاۋىتى - 3,5 ميلليون دانا بەكىرتۇقىمداس، جايىق-اتىراۋ بەكىرە بالىق ءوسىرۋ زاۋىتى - 3,5 ميلليون دانا بەكىرتۇقىمداس، قامىستىباس بالىق پيتومنيگى - 15,22 ميلليون دانا تۇقى، اق امۋر جانە ءدوڭماڭدايدىڭ ءبىرجازعى جانە ەكىجىلدىق شاباقتارىن، قاپشاعاي ۋىلدىرىق شاشۋ-ءوسىرۋ شارۋاشىلىعى - 8,4 ميلليون دانا تۇقى، اق امۋر جانە ءدوڭماڭدايدىڭ ءبىرجازعى شاباقتارىن، پەتروپاۆل بالىق پيتومنيگى 54,4 ميلليون دانا اقساحا دەرناسىلى جانە تۇقى دەرناسىلى مەن ءبىرجازعى شاباقتارىن جىبەرگەن.
بۇدان باسقا، جەكەلەگەن مەملەكەتتىك كاسىپورىنداردىڭ جەكەشەلەندىرىلۋىنە بايلانىستى 2017-جىلى باسەكەلەستىك ورتادا ورنالاستىرىلدى. ايتالىق، كونكۋرستىق ىرىكتەۋدىڭ قورىتىندىسى بويىنشا جەكە مەنشىك بالىق ءوسىرۋ كاسىپورىندارى 42,7 ميلليون دانا قۇندى بالىق تۇرلەرىنىڭ شاباقتارىن ءوسىرىپ، تابيعي مەكەن ەتۋ ورتاسىنا جىبەردى.
ا ش م حابارلاۋىنشا، اقمولا، الماتى، شىعىس قازاقستان، قاراعاندى، سولتۇستىك قازاقستان جانە وڭتۇستىك قازاقستان وبلىستارىنىڭ سۋ ايدىندارىن بالىقتاندىرۋ بويىنشا 2018-جىلعا ارنالعان مەملەكەتتىك تاپسىرىس جاريالانعان. بالىقتاندىرۋ كولەمى جالپى قۇنى 225115 مىڭ تەڭگەنىڭ 45 ميلليون دانا قۇندى بالىق تۇرلەرىنىڭ شاباقتارى (اقساحا دەرناسىلدەرى، تۇقى، اق امۋر جانە ءدوڭماڭداي بالىقتارىنىڭ ءبىرجازعى شاباقتارى).