شەتەلدەن ۋاقىتشا اكەلىنگەن 125 كولىك انىقتالدى
12:36, 20 - تامىز 2022
نۇر-سۇلتان. قازاقپارات - قازاقستانعا گرۋزيا مەن ازەربايجاننان ۋاقىتشا كولىك اكەلۋ جاعدايلارى جيىلەگەن.
بۇل تۋرالى قازاقپارات مەملەكەتتىك كىرىستەر كوميتەتىنە سىلتەمە جاساپ حابارلايدى.
وسىعان وراي رەيدتىك شارالار ءوتتى. قازىرگى تاڭدا 125 اۆتوكولىك انىقتالىپ، ۋاقىتشا ساقتاۋ قويمالارىنا ورنالاستىرىلعان. وسى باعىتتا جۇمىستار جالعاسۋدا.
ايتا كەتسەك، ەۋرازيالىق ەكونوميكالىق وداقتىڭ كەدەن اۋماعىنا ءۇشىنشى ەلدەردەن ۋاقىتشا اكەلىنگەن كولىك قۇرالدارى ءوز بويىنشا شەتەلدىك تاۋارلار بولىپ تابىلادى جانە كەدەندىك باقىلاۋدا بولادى. ۋاقىتشا اكەلۋ مەرزىمى اياقتالعاننان كەيىن (بۇل 1 جىل) اۆتوكولىك قۇرالدارى ە ا ە و اۋماعىنان شىعىپ كەتۋى قاجەت.
كوميتەت ۋاقىتشا اكەلىنگەن كولىك قۇرالدارىن ساتىپ الۋعا جانە قازاقستان اۋماعىندا پايدالانۋعا تەك كەدەندىك راسىمنەن جانە تيەسىلى كەدەندىك الىمداردى جانە سالىقتاردى تولەگەن سوڭ عانا قولدانۋعا بولاتىنىن ەسكەرتەدى.