بۇل تۋرالى سالا ماماندارى وڭىرلىك كوممۋنيكاتسيالار قىزمەتىندە وتكەن بريفينگتە ايتتى، دەپ حابارلايدى قازاقپارات ءتىلشىسى.
قالالىق اكىمدىكتىڭ مالىمەتىنشە، وزگە 56 ادام ءوز ۇيلەرىندە وقشاۋلانعان. شاھاردا بارلىق تالاپتارعا ساي كەلەتىن 170 ورىن، 680 پروۆيزورلىق جاتىن ورىن ازىرلەنگەن. 750 ورىندى اۋرۋحانانى ءدارى-دارمەكپەن ۇستاپ تۇرۋعا مۇمكىندىك بار. 4300 ازامات دايىندىق جۇمىستارىنا رەزەرۆ رەتىندە تۇر. سونداي-اق، وسى كۇنگە دەيىن كوروناۆيرۋستى انىقتاۋ ءۇشىن 12 ادامنان سىناما الىنعانىمەن اۋرۋ راستالماعان. ولاردىڭ ەكەۋى قىتاي ازاماتى. سونىمەن قاتار، رەزەرۆتە 650 مىڭنان اسا بەتپەردە بار. قازىرگى ۋاقىتتا قالاداعى مەملەكەتتىك مەكەمەلەردە قىزمەتكەرلەر ماسكامەن جۇرۋگە مىندەتتەلگەن.
مەديتسينالىق ماسكىنىڭ باعاسى 25 تەڭگەدەن 170 تەڭگەگە كوتەرىلگەن. قالادا ماسكى تاپشى.
كاسىپكەرلەرمەن كەلىسىلىپ، ماسكى دايىندالىپ جاتقانىمەن ول ءدارىحانالارعا ءبىر اپتانىڭ كولەمىندە جەتكىزىلەدى. داكەدەن جاسالعان 1 دانا ماسكىنىڭ باعاسى: 4 ورالعانى - 100 تەڭگە، 8 ورالعانى - 130 تەڭگە، 16 ورالعانى - 200 تەڭگە. بيلىكتەگىلەر باعانى تۇسىرۋگە مۇمكىندىك جوق ەكەنىن ايتادى.
سەبەبى، دوللار باعامى وسكەندىكتەن شيكىزات قىمبات، جۇمىسشىلاردىڭ جالاقىسى مەن قاۋىپسىزدىگىن ساقتاۋ شىعىنى كىرگەن. الداعى ۋاقىتتا بۇل ماسكىلەر ءبىر ادامعا 5 دانادان عانا ساتىلادى.
بۇدان وزگە، قالاداعى 1500 قوعامدىق كولىكتى دەزينفەكتسيالاۋ جۇمىستارى كولىك يەلەرىنە جۇكتەلگەن. انتيسەپتيكتەردىڭ باعاسى 420 تەڭگەدەن بولۋى كەرەك. ءار ازاماتقا 2 نەمەسە 4 دانادان عانا ساتىلۋى ءتيىس. ەگەر وسى بەلگىلەنگەن باعالاردان اۋىتقۋشىلىق بايقالسا، قالا اكىمدىگىنىڭ سايتىنا شاعىمدانۋعا بولادى.
«قازىرگى تاڭدا الەمدىك ەكونوميكادا ءبىراز قيىندىق تۋىنداۋدا. ونىڭ ءبىزدىڭ مەملەكەتىمىزگە دە اسەرى ءتيۋى مۇمكىن. سوعان بايلانىستى شىمكەنت قالاسىندا داعدارىسقا قارسى ەكونوميكالىق تۇراقتىلىقتى قامتاماسىز ەتۋ جۇمىستارى جۇرگىزىلۋدە. ءبىرىنشى كەزەكتە حالىقتى ازىق-تۇلىكپەن قامتۋ ماسەلەسى تۇر. ساۋدا ورىندارىندا باعا تۇراقتى، ازىق-تۇلىك قورى جەتكىلىكتى»، - دەدى ەربول ءابىلحايىر ۇلى.