الماتى تۇرعىنى فۋتبول ماتچىنا ءباس تىگىپ 125 ميلليون تەڭگە ۇتىپ الدى - ۆيدەو
12:46, 27 - قازان 2017
استانا. قازاقپارات - الماتىدا بۋكمەكەرلىك كەڭسەدەن 125 ميلليون تەڭگە ۇتىپ العان ادامنىڭ ۆيدەوسى جەلىدە قىزۋ تالقىلانىپ جاتىر.
ۆيدەو Instagram جەلىسىندەگى krutye_agashki توبىندا جاريالاندى. وسى ۋاقىتتىڭ وزىندە ۆيدەونى 50 مىڭنان اسا ادام تاماشالاعان.
ۆيدەودا ەر ادام بىلاي دەيدى: «وسىلاي بولارىن سەزگەندەيمىن»، «ليۆەرپۋل» ءوتتى، «بارسا» ءوتتى، «روما» - «چەلسي» ءوتتى... 125 كوەفيسەنتكە ميلليون قويدىم».
ۆيدەودا ايتىلىپ وتىرعان ويىندار 18، 19 -قازاندا وتكەن چەمپيوندار ليگاسىنا قاتىستى بولۋى مۇمكىن.
قولدانۋشىلاردىڭ كەيبىرى ۆيدەونىڭ جارناما ماقساتىندا تۇسىرىلگەن بولۋى مۇمكىن ەكەنىن ايتادى. الايدا قازاقستان بۋكمەكەرلەر اسسوتسياتسياسىنىڭ وكىلدەرى بۇل دەرەكتى جوققا شىعارمادى، ءبىراق راستاعان دا جوق.
ەسكەرتۋ! ۆيدەودا بەيادەپ سوزدەر ايتىلادى!