مەملەكەتتىك ەمتيحاننىڭ العاشقى كۇنىندە الماتىلىق تۇلەك 125 بال جينادى
بۇل تۋرالى ۇلتتىق تەستىلەۋ ورتالىعىنان حابارلادى.
كەشە ۇ ب ت تاپسىرۋدىڭ ءبىرىنشى كۇنى ءوتتى. العاشقى كۇننىڭ سىناعىنان سۇرىنگەندەردىڭ سانى 6233 ادام بولدى. ولار مينيمالدى قاجەتتى دەڭگەيدەن وتە المادى. ال 100 دەن جوعارى ناتيجە كورسەتكەندەردىڭ سانى 3797 بولدى.
ۇلتتىق تەستىلەۋ ورتالىعىنىڭ مالىمدەۋىنشە، اعىمداعى جىلى قورىتىندى اتتەستاتتاۋدى ۇ ب ت تۇرىندە تاپسىرۋعا 92086 ءبىتىرۋشى تىلەك ءبىلدىردى. ونىڭ ىشىندە 63606 تالاپكەر قازاق تىلىندە جانە 28480 تالاپكەر ورىس تىلىندە تاپسىرادى.
ايتا كەتەيىك، 2 - ماۋسىم كۇنى تەستىلەۋگە 26147 ءبىتىرۋشى قاتىستى، ونى قازاق تىلىندە - 18417, ورىس تىلىندە - 7730 تۇلەك تاپسىردى. تەستىلەۋ ۇ ب ت وتكىزۋ پۋنكتىنىڭ 61 بازاسىندا ءوتتى.
«ءتارتىپ بۇزعانى ءۇشىن 13 تالاپكەر اۋديتوريادان شىعارىلدى. تەست تاپسىرۋشىلاردان 5962 ۇيالى تەلەفون، 1783 شپارگالكا، 121 كالكۋلياتور، 6 فوتواپپارات، 2 راتسيا تابىلعان» ، - دەپ حابارلادى ق ر ب ع م باسپا ءسوز قىزمەتىنەن.
اۆتور: گۇلميرا عوسمانالي