ول جەر بەتىندە 122 جىل عۇمىر كەشكەن، كەيىن «ەڭ ۇزاق ءومىر سۇرگەن ادام» رەتىندە گيننەستىڭ رەكوردتار كىتابىنا ەنگەن فرانسۋز ايەلى جاننا لۋيز كالماندى باسىپ وزىپ، 2012 -جىلى 124 جاسقا تولادى. ول كىسىنىڭ جاسىن ەستىگەن ءار ەلدىڭ جۋرناليستەرى ءماريام اجەمىزدى ءبىر كورمەككە، سۇحباتتاسپاققا جان- جاقتان پالەستيناعا اعىلا باستايدى. ءبىراق ونىڭ ۇلدارى مەن نەمەرەلەرى Guinness كومانداسىمەن كەزدەسۋدەن، انالارىن فوتوعا تۇسىرتۋدەن باس تارتادى. ويتكەنى، ولار ءماريام اجەنى تەلەارنادان كورسەتۋ ءۇشىن ورامالىن شەشۋى ءتيىس دەگەن شارت قويىپتى. ءماريام اجەنىڭ ۇرپاقتارى انالارىنىڭ 5 رەت ۇلكەن قاجىلىققا، 10 رەت ۋمراعا بارعانىن ايتىپ، ول كىسىنىڭ بۇكىلالەمدىك اتاق پەن بايلىقتان كۇناعا باتپاس ءۇشىن باس تارتىپ وتىرعانىن كەلتىرەدى.
اجەنىڭ نەمەرەسى ماحدي حامدان امماشتىڭ ايتۋىنشا، ءماريام انا قاتتى قارتايعانىنا قاراماستان، ۇرپاقتارىنىڭ بارلىعى پىكىرىمەن ساناساتىن دانا، دىنىندە تاقۋا ايەل بولىپتى. ونى بۇكىل اۋىل بىلەدى ەكەن. اۋىلداعى تالاي ءسابيدىڭ كىندىك شەشەسى دە، دارىگەرى دە وسى ءماريام اجەي بولىپتى. اجە جان- جاقتان ەم- دوم ىزدەپ كەلگەندەردى تەگىن ەمدەيدى ەكەن. ءومىرىنىڭ سوڭعى ساتتەرىنە قاراماستان، ءىس- قيمىلدان قالماعان اجە قارقىندى عۇمىر كەشىپتى.
گيننەستىڭ رەكتوردار كىتابىنا ەنگىزۋ ءۇشىن سولاردىڭ وكىلى كەلىپ ءماريام اجەگە: "ءسىزدى الەمگە اتاقتى قىلامىز، ەڭ تانىمال تۇلعالاردىڭ بىرىنە اينالاسىز»، - دەسە، اجەي ولارعا جاۋاپ رەتىندە: «ال اتاقتى بولۋ مەنى باقىتتى ەتە مە؟ » - دەپ سۇراپتى. نە دەپ جاۋاپ بەرەرىن بىلمەي قالعان وكىل: «ول ءسىزدى باقىتتى ەتپەسە دە، وتباسىڭىز بەن ۇرپاقتارىڭىزدى باقىتتى ەتەدى»، - دەپ جاۋاپ بەرەدى. سونداي اجەي: « ءسىزدىڭ جاسىڭىز قانشادا؟ » - دەپ سۇرايدى. وكىل 43 تە ەكەنىن ايتادى. ءبىر جىميىپ العان اجەي: «مۇسىلمان ەمەسسىز عوي، ءيا؟ » دەيدى. «مۇنىڭ نە قاتىسى بار؟ »، - دەيدى تاڭدانىسىن جاسىرا الماعان جىگىت. سوندا ءماريام اجەي: «ءسىز نەنىڭ اق، نەنىڭ قارا ەكەنىن ايىراتىن جاسقا باياعىدا جەتىپ قويىپسىز. سوعان قاراماستان مۇسىلمان ەمەسسىز. ياعني ءسىزدىڭ اقيقاتتى تانۋعا نە جاسىڭىز جەتكەن جوق، نە اقىلىڭىز كەم. ويتكەنى «ەرتەڭ ءولىم قۇشاتىن ءجاي ادامدار ورتاسىنداعى اتاقتىلىق باقىت اكەلەدى» دەگەنگە نە كىشكەنتاي بالا نەمەسە اقىل- ەسى كەم ادام عانا سەنەدى. جاراتۋشىسىنىڭ الدىندا ماسقارا بولۋ قاۋپىنە كىم بارادى؟ قالاي ويلايسىز، قايسىسىن تاڭداعانىم دۇرىس؟ ابىرويسىزداردىڭ اراسىنداعى ابىرويدى ما، الدە جاراتقاننىڭ رازىلىعىنا يە بولعان باقىتتىلاردىڭ اراسىنداعى ابىرويدى ما؟ » - دەدى. گيننەستىڭ وكىلى نە دەرىن بىلمەي، ءۇنسىز تۇرىپ قالدى. ءسوزىن قايتا ساباقتاعان ءماريام اجەي: «جاۋابىڭىز جوق بولسا، بارىڭىز، ەسەيىڭىز. سوسىن جاقسىلاپ ويلانىڭىز. ال مەن ءسىز قايتا اينالىپ كەلگەنشە ولمەۋگە ۋادە بەرەمىن»، - دەدى ازىلدەپ.
ەڭ قىزىعى، قاريا ايتسا ايتقانداي، ارادا 7 اي وتكەندە جاڭاعى جىگىت ءماريام اجەيدىڭ الدىنا قايتا اينالىپ كەلگەن ەدى. ءبىراق بۇل جولى ول مۇسىلمان بولاتىن. مۇسىلمان.. . ال دانا اجەي وسى وقيعادان سوڭ 4 اي وتكەندە ومىردەن ءوتىپتى.
اللانىڭ الدىنداعى ابىرويدى مىنا دۇنيەدەن، بايلىقتان، بەدەلدەن، بارىنەن- بارىنەن جوعارى قويعان ءماريام اجەيدىڭ دارەجەسى ءجانناتتا دا سولاي بولادى دەپ سەنەمىز ءارى سول ءۇشىن دۇعا ەتەمىز!
islam.kz