قازاقستان- قىتاي شەكاراسىنان وتكەن كولىكتەر سانى وتكەن جىلمەن سالىستىرعاندا 123 پايىزعا ارتقان
بۇل مالىمەتتەر ءاليحان سمايىلوۆ داعدارىسقا قارسى شارالار جونىندەگى جەدەل شتاب وتىرىسى بارىسىندا كەلتىردى، دەپ حابارلايدى قازاقپارت ۇكىمەتتىڭ رەسمي سايتىنا سىلتەمە جاساپ.
وتىرىسقا قاتىسۋشىلار ەكى باعىتقا دا جۇكتەردىڭ ءوتۋى ماسەلەسىنە قاتىستى قىتايمەن شەكاراداعى جاعدايدى قاراستىردى. قازىرگى تاڭدا قازاقستان- قىتاي شەكاراسىندا بەس اۆتوموبيل جانە ەكى تەمىرجول وتكىزۋ پۋنكتى، سونداي- اق «قورعاس» ش ى ح و» ا ق كەدەن بەكەتىنىڭ جۇك تەرمينالى جۇمىس ىستەيدى.
اۆتوموبيل كولىگى بويىنشا بيىلعى ءۇش ايدا وتكەن جىلدىڭ سايكەس كەزەڭىمەن سالىستىرعاندا كولىك قۇرالدارىنىڭ سانى % 123- عا (6,3-تەن 14,0 مىڭ ك ق- عا دەيىن) وسكەنى بايقالادى. سونىمەن قاتار كەدەندىك قۇن يندەكسى (ك ق ي) جانە كەدەندىك تولەمدەر يندەكسى (ك ت ي) بويىنشا وڭ ديناميكا بايقالادى: ك ق ي كورسەتكىشى % 75- عا ءوستى (ق ح ر- دان يمپورتتالاتىن تاۋارلار بويىنشا 1 ك گ ءۇشىن 4 دوللاردان 7 دوللارعا دەيىن)، ك ت ي كورسەتكىشى ەكى ەسە - 264 تەڭگەدەن 561 ت گ/كگ دەيىن ءوستى.
«نۇر جولى» شەكاراداعى وتكىزۋ پۋنكتىنە كەلەر بولساق، تاۋار تاسىمالداۋدى ۇيىمداستىرۋشى رەتىندە جۇمىسىن باستاعان «KTZ Express» ا ق ارقاسىندا ونىڭ وتكىزۋ قابىلەتى كۇنىنە 10-نان 47 ا ك ق- عا دەيىن ارتتى. بۇل ورايدا ءبىر تاسىمال قۇنى $4500-دەن $2050 دەيىن تومەندەدى. قولما- قول اقشالاي ءوزارا ەسەپ ايىرىسۋ الىنىپ تاستالدى، بۇل قاراجاتتى كولەڭكەلى اينالىمنان شىعارۋعا مۇمكىندىك بەردى.
سونىمەن قاتار ەلەكتروندى كەزەك بويىنشا پيلوت جوباسى ىسكە قوسىلدى. «قورعاس» ش ى ح و- دا جىل باسىنان بەرى ارنايى كران ارقىلى 61 ك ق اۋىستىرىپ تيەلدى. بۇل رەتتە تاريف ەكى ەسەگە تومەندەتىلدى. وتىرىس بارىسىندا وتكىزۋ پۋنكتتەرىندە كەپتەلىس جوق جانە جاعداي تۇراقتى ەكەندىگى اتاپ ءوتىلدى.
«ق ر پرەمەر- ءمينيسترى ءاليحان سمايىلوۆ ستاتيستيكالىق سايكەسسىزدىكتەردى بولدىرماۋ ءۇشىن ءتيىستى ۆەدومستۆولارعا يمپورت پەن ەكسپورتقا قاتىستى دەرەكتەردى وزەكتەندىرۋدى، سونداي- اق وتكىزۋ پۋنكتتەرىندە م ك ك، ۇ ق ك ش ق جانە ق ت ج- ەكسپرەسس ۆەدومستۆوارالىق ءوزارا ءىس- قيمىلىن كۇشەيتۋدى تاپسىردى»، - دەلىنگەن حابارلامادا. سونداي- اق ءبىرقاتار وزەكتى ماسەلە تالقىلاندى.