14 جاستاعى جاسءوسپىرىم كەشكە كوشەدە بەيتانىس ادامعا جاقىنداپ، ودان ءبالىش ساتىپ الىپ بەرۋىن وتىنگەن. ءبالىشتى ساتىپ الۋ كەزىندە جەتكىنشەك ەر ادامنىڭ بانك قوسىمشاسىنا كىرۋ ءپارولىن كورىپ الادى. كەيىن تانىسىما حابارلاسىپ الايىن دەگەن جەلەۋمەن ەر ادامنىڭ تەلەفونىن سۇراپ الىپ، دوسىنا 122 مىڭ تەڭگە اۋدارعان.
استانا پ د باسپا ءسوز قىزمەتىنىڭ مالىمەتىنشە، اقشانى اۋدارعان سوڭ ول تەلەفوندى يەسىنە قايتارىپ بەرگەن. ەر ادام اقشانىڭ جوعالعانىن كەلەسى كۇنى عانا ءبىلىپ، پوليتسياعا حابارلاسقان.
«جەدەل-ىزدەستىرۋ ءىس-شارالارىن جۇرگىزۋ بارىسىندا كۇدىكتى ۇستالدى. بالا اقشانى الىپ، جۇمساپ ۇلگەرگەن. بۇل دەرەك بويىنشا سوتالدى تەرگەپ-تەكسەرۋ امالدارى جۇرگىزىلىپ جاتىر، ونىڭ ەلوردا اۋماعىندا جاسالعان باسقا دا وسىعان ۇقساس قىلمىستارعا قاتىستىلىعى تەكسەرىلىپ جاتىر»، - دەلىنگەن حابارلامادا.
جاس ءوسپىرىم ءوزىنىڭ كىناسىن مويىندادى. يۋۆەنالدى پوليتسيا قىزمەتكەرلەرى ونى ەرەكشە باقىلاۋعا الدى.