بيىل 120 مىڭنان استام قازاقستاندىق تەگىن تەحنيكالىق، كاسىپتىك ءبىلىم الا الادى
بۇل تۋرالى ق ر ءبىلىم جانە عىلىم ءبىرىنشى ۆيتسە- ءمينيسترى شولپان كارينوۆا ايتتى، دەپ حابارلايدى قازاقپارات ءتىلشىسى.
«پرەزيدەنتتىڭ تاپسىرماسىنا ساي كوللەدجدەردە ءبىلىم الۋ بويىنشا مەملەكەتتىك تاپسىرىس كولەمى ارتادى. بيىل 120 مىڭنان استام قازاقستاندىق تەگىن تەحنيكالىق جانە كاسىپتىك ءبىلىم الا الادى. بۇل 2021-2022 وقۋ جىلىمەن سالىستىرعاندا 25 مىڭعا كوپ. سونىمەن قاتار كاسىپورىنداردىڭ كوللەدجدەردى شەفتىك قامقورلىققا الۋ تاجىريبەسىن دامىتىپ، دۋالدى ءبىلىم بەرۋدى كەڭەيتۋ كوزدەلىپ وتىر»، - دەدى شولپان كارينوۆا مينيسترلىكتىڭ كەڭەيتىلگەن القا وتىرىسىندا.
سونىمەن قاتار ول مەملەكەت باسشىسىنىڭ دارىندى بالالاردى قولداۋ جونىندەگى تاپسىرماسىن ىسكە اسىرۋ اياسىندا مينيسترلىك زاڭناماعا ەنگىزىلەتىن تۇزەتۋلەردى دايىنداعانىن اتاپ ءوتتى.
«ولار حالىقارالىق ءپان وليمپيادالارىنىڭ جۇلدەگەرلەرىنە جوعارى وقۋ ورىندارىنا ۇ ب ت- سىز، ياعني كونكۋرستان تىس نەگىزدە ءبىلىم الۋ ءۇشىن گرانتتار بەرۋدى كوزدەيدى. باستىسى ءبىز حالىقارالىق وليمپيادالاردىڭ جەڭىمپازدارى مەن جۇلدەگەرلەرى جانە ولاردى دايارلاعان پەداگوگ- جاتتىقتىرۋشىلارعا دا ءبىرجولعى اقشالاي سىياقى تولەۋدى قاراستىردىق. التىن مەدال يەگەرلەرىنە — 1500 ا ە ك، كۇمىس مەدال - 1000 ا ە ك، قولا مەدال - 500 ا ە ك كولەمىندە اقشالاي سىياقى تاعايىنداۋ جوسپارلانىپ وتىر»، - دەدى ءبىرىنشى ۆيتسە- مينيستر.
اۆتور: مارلان جيەمباي