ەلىمىزدە 120 عا جۋىق مەكتەپتە ءۇش ءتىلدى ءبىلىم بەرۋ جۇزەگە اسىرىلۋدا
بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندەگى بريفينگتە ق ر ۇلتتىق ەكونوميكا ءمينيسترى ەربولات دوسايەۆ ءمالىم ەتتى.
«2016 -جىلعى 1 -قىركۇيەكتەن 12 جىلدىق ءبىلىم بەرۋگە كوشۋ ماقساتىندا ەلدىڭ بارلىق مەكتەپتەرىندە 1- سىنىپتار ءۇشىن باستاۋىش مەكتەپتىڭ 24 وقۋ باعدارلاماسى، نەگىزگى مەكتەپ جانە جوعارى سىنىپتار مەكتەبىنىڭ 84 وقۋ باعدارلاماسى ازىرلەندى. 22 ادىستەمەلىك قۇرال مەن جالپى ءبىلىم بەرۋ مەكتەپتەرىنىڭ مۇعالىمدەرى ءۇشىن 31 ۇسىنىم دايىندالدى. بۇگىنگى تاڭدا ەلدىڭ 117 ءبىلىم بەرۋ ۇيىمى ءۇشتىلدى ءبىلىم بەرۋدى ىسكە اسىردى»، - دەدى ە. دوسايەۆ.
سونىمەن قاتار، ول يندۋستريالدى- يننوۆاتسيالىق دامۋ مەملەكەتتىك باعدارلاماسى كادرلارىن دايارلاۋ ءۇشىن 11 بازالىق جوعارى وقۋ ورىنى 78 شەتەل ۋنيۆەرسيتەتىمەن ىنتىماقتاستىق تۋرالى كەلىسىمشارت جاساسقانىن اتاپ ءوتتى.
«2017 -جىلدان باستاپ، تەگىن كاسىبي- تەحنيكالىق ءبىلىم بەرۋگە كوشۋ اياسىندا دۇنيەجۇزىلىك بانكتىڭ «تەحنيكالىق جانە كاسىبي ءبىلىم بەرۋدى جاڭعىرتۋ» جوباسى بويىنشا 6 كوللەدج 425 ميلليون تەڭگە سوماعا گرانت الدى»، - دەدى مينيستر.
اۆتور: مارلان جيەمباي