قازاقستاندا 1200 شاقىرىمدىق بايگە- مارافون وتەدى
بۇل تۋرالى ق ر مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتى ءتوراعاسىنىڭ مىندەتىن اتقارۋشى بەكبولات بايجانوۆ ايتتى، دەپ حابارلايدى قازاقپارات ءتىلشىسى.
«بيىل پەتروپاۆل قالاسىندا اكىمدىكتەر اراسىندا، مەملەكەتتىك قىزمەتشىلەر اراسىندا ۇلكەن جارىس وتكىزدىك. ودان كەيىن جەتىسۋ وبلىسىندا اۋىل جاستارى ويىندارى ءوتتى. سونىمەن قاتار بۇگىن نۇر- سۇلتان قالاسىندا مينيسترلىكتەر قىزمەتكەرلەرى اراسىندا سپارتاكيادا ءوتىپ جاتىر. وسى جەكسەنبىگە دەيىن جالعاسادى.
قىركۇيەكتە شىمكەنت قالاسىندا ەستۋ قابىلەتى تومەن جاندار اراسىندا رەسپۋبليكالىق سپارتاكيادا ۇيىمداستىرىلادى.
1-قىركۇيەكتە تۇركىستان قالاسىندا «تۇران بارىسىن» وتكىزۋدى جوسپارلاپ وتىرمىز.
سونىمەن قاتار 15-30-قىركۇيەك ارالىعىندا كوپكۇندىك «بايگە- مارافون» وتكىزۋ كوزدەلگەن. ول نۇر- سۇلتان قالاسىنان باستالىپ، قاراعاندى، ۇلىتاۋ وبلىستارى ارقىلى ءوتىپ، رۋحاني استانامىز - تۇركىستاندا جالاۋىن تىگەدى. بۇل مارافوننىڭ جالپى قاشىقتىعى 1200 شاقىرىمدى قۇرايدى. ءار وبلىستان 20 كوماندادان قاتىسادى»، - دەدى ب. بايجانوۆ.
ونىڭ اتاپ وتۋىنشە، بۇگىندە ەلىمىزدە 6,5 ميلليون ادام سپورتپەن جۇيەلى تۇردە اينالىسادى. بۇل جالپى ەل تۇرعىندارىنىڭ 34,2 پايىزىن قۇرايدى.