باعاسى 12000 تەڭگە تۇراتىن جارتى قاربىز الماتىلىقتاردى تاڭعالدىردى - فوتو
قۇنى 12355 بولاتىن جارتى قاربىزدىڭ سۋرەتى Facebook جەلىسىندە جىلدام تارالىپ جاتىر.
«12355 تەڭگەگە جارتى قاربىزدى كىم الادى؟ بىزگە يسپانيادان قاربىز اكەلىنەدى ەكەن. بۇل كونكيستادورلار نەگىزىن قالاعان قاربىز القاپتارىندا ءپىسىپ، ولاردى يسپانيالىق سۇلۋلار سەررا- دە- گۋارا وڭ بەتكەيىنەن تەرگەن، ال الماتىعا قاربىز ۇزىلگەن كۇنى بيزنەس- كلاسسپەن جەتكىزىلگەنىنە سەنىمدىمىن!»، - دەپ جازدى مىسقىلمەن اندرەي مۋن Facebook جەلىسىندە. قاربىزدىڭ باعاسى قازنەت قولدانۋشىلارىن قاتتى تاڭداندىردى.
ويتكەنى بۇل ءونىمنىڭ بازارداعى باعاسى كەلىسىنە 35-40 تەڭگە. "مۇمكىن وسى قاربىزدى ساتىپ الۋ ءۇشىن كرەديت الارمىز؟ا؟ ءبىر جىلدا ەكى ەسە باعاسىن وتەيمىز. "بۇل قاربىزدى راسىندا بيزنەس- كلاسسپەن اكەلگەن سياقتى عوي"، Esentai Gourmet ينتەرنەت- دۇكەنى قاربىز باعاسىن كەلىسىنە 4800 تەڭگە دەپ كورسەتىپتى.
سونىمەن قاتار، گاسترانومدا تايلاندتان اكەلىنگەن قاربىز دا ساتىلىپ جاتىر. ونىڭ كەلىسى 5200 تەڭگە.
دۇكەندە قاربىزبەن قوسا كەلىسى 3100-دەن 7600 تەڭگەگە دەيىن جەتەتىن قاۋىن ساتىپ الۋعا بولادى. گاسترانوم اكىمشىلىگى قازىر ساتىلىمدا 100 گرامى 480 تەڭگە بولاتىن يسپانيالىق قاربىز عانا بارىن ايتادى.
«شىلدەدە ءبىز ەۋروپادان قاۋىن- قاربىز اكەلدىك. بۇل تاسىمال باعاسىنا بايلانىستى ولاردىڭ قۇنىن قىمبات ەتەدى. سونىمەن قاتار، ءبىز وزبەكستاندىق جانە جەرگىلىكتى وندىرۋشىلەرمەن كەلىسسوز جۇرگىزدىك»، - دەيدى Esentai Gourmet اكىمشىلىگى. دۇكەن اكىمشىلىگى جەرگىلىكتى قاربىزداردى ساتۋعا دايىن ەكەنىن، الايدا، ولار ساپا باقىلاۋىنان وتپەي جاتقانىن ايتادى.
Tengrinews.kz