ءبىر ۋاقىتتا 120000 ادام سياتىن الىپ مەشىتتە اۋىزاشار بەرىلەدى
08:21, 11 - ماۋسىم 2016
استانا. قازاقپارات - وڭتۇستىك-شىعىس ازياداعى ءىرى مەشىتتەردىڭ ءبىرى يندونەزيانىڭ استاناسى دجاكارتا قالاسىندا ورنالاسقان، دەپ حابارلادى www.muslim.kz.
ءبىر مەزگىلدە 120000 نان استام مۇسىلمان ساپ تۇزەپ، قۇلشىلىعىن وتەي الاتىن يستيكليال مەشىتى جىل سايىن رامازان ايىن ەرەكشە دايىندىقپەن قارسى الادى. ويتكەنى، ايماقتاعى مۇسىلمانداردىڭ كوبىسى الىپ مەشىتتەگى اۋىزاشار داستارحانىنان ءداستۇرلى تاعامدارىنان ءدام تاتقىسى كەلەدى.
رامازان ايىنىڭ العاشقى كۇنى باستاپ يستيكليال مەشىتى كۇن سايىن 3000 كىسىگە ارنالعان تاعام تاراتىپ كەلەدى. ارنايى قوراپقا سالىنعان اۋىزاشار سىباعاسى ىشىندە قۇرما، كۇرىش، جۇمىرتقا، تاۋىق ەتى ، شاي مەن سۋ بولادى.