قازاقستان قىتايعا 12,5 ميلليارد دوللار قارىز بولىپ قالدى

استانا. قازاقپارات - قازاقستانداعى جوبالاردىڭ ءبىرازى قىتايدان الىنعان قارىز كاپيتالى نەگىزىندە جۇزەگە اسىرىلىپ جاتىر.

قازىرگى تاڭدا جالپى قارىز كولەمى 12,5 ميلليارد ا ق ش دوللارىنا جەتكەن.

بۇل تۋرالى «استانا» تەلەارناسى حابارلايدى.

«قازىرگى كەزدە ءبىز ق ح ر- عا قارىز بولىپ وتىرعان اقشا 12,5 ميلليارد دوللارعا جەتىپ وتىر. بانكتەر بويىنشا - 2,7. وزگە سەكتورلار بويىنشا - 8,97. كاسىپورىندار مەن فيرما ارالىق قارىزدار 944 ميلليون. شامامەن وسىنداي. سونىمەن بىرگە قىتاي تاراپىنىڭ دا قازاقستان الدىندا بەرەشەگى بار. بىزدە قۇندى قاعازداردى سالىپ وتىرمىز. ول 12 ميلليارد دوللاردى قۇرايدى. ايىرماشىلىق 579 ميلليون دوللار. بۇل جاعداي سىرتقى قارىزعا قاراعاندا جاقسىراق»، - دەدى ۇلتتىق ەكونوميكا ءمينيسترى تيمۋر سۇلەيمەنوۆ.

ەگەر سىرتقى قارىز بويىنشا ساندار ناقتى بولسا، ال ەكى ەل اراسىنداعى ساۋدا قاتىناستارىندا الا- قۇلالىق بايقالادى. جاقىندا عانا ق ح ر توراعاسىمەن كەزدەسۋدە نازاربايەۆ قازاقستان مەن قىتاي اراسىنداعى ايىرماشىلىققا تاڭىرقاعان ەدى. قارجى ءمينيسترى باقىت سۇلتانوۆتىڭ ايتۋىنشا، ايىرماشىلىق 5 ميلليارد دوللارعا جەتكەن. بۇل اپتادا وسى تاقىرىپقا سەنات سپيكەرى قاسىم-جومارت توقايەۆ تا نازار اۋداردى. ول ساندارعا قاتىستى ايىرماشىلىقتاردى «ءىرى حالىقارالىق وقيعا» دەپ اتادى. ەگەر مينيستر سۇلتانوۆ بۇل رەتتە جاعداي ادىسكە تىرەلىپ تۇر دەسە، سەنات ءتوراعاسى مۇنىڭ سەبەبى كونتراباندا دەپ ءبىر-اق اتادى.

«ءسىز قازىر ءادىسنامالىق كەلىسپەۋشىلىكتى ءبىرىنشى ورىنعا شىعارىپ قويدىڭىز. ال مەن ءبىرىنشى ورىنعا كونتراباندا ماسەلەسى مەن كولەڭكەلى ەكونوميكانى قويار ەدىم. سوڭىنا دەيىن ادىلەتتى قاراۋ كەرەك»، - دەدى توقايەۆ.