12 جاستاعى بالا 40 مينۋت بويى كولىكتى قاقپاي-سوقپاي جۇرگىزگەن. جۇرگىنشىلەر كولىك رولىندە بالانىڭ وتىرعانىن بايقاپ پوليتسياعا حابارلاعان.
جەلىدە وقۋشىنىڭ كولىك جۇرگىزگەنى تۋرالى ۆيدەو تاراپ كەتتى. وقۋشىنىڭ اۆتوبۋستى قالاي الىپ كەتكەنى بەلگىسىز. سۋرەتتەردە كولىكتىڭ شىنى ەسىگىنىڭ سىنىپ تۇرعانى بايقالادى.
Guangzhou Yueyun Bus Co اۆتوبۋس كومپانياسى بۇل بالانىڭ بۇرىن دا تەلەفون مەن ءاميان ۇرلاپ ۇستالعانىن مالىمدەدى. كومپانيا وكىلىنىڭ مالىمەتىنشە، ول كەزدە دە ۇرى بالانى GPS باعدارلاماسى ارقىلى اۆتوبۋستا ۇستاعان.
تاعى ءبىر ۆيدەودان بالانىڭ تەمەكى شەككەن كۇيى ساۋدا ورتالىعىنا كىرىپ كەلە جاتقانىن كورۋگە بولادى. پوليتسەي بالادان جاۋاپ العان كەزدە ول ەكى قولىمەن بەتىن جاۋىپ الىپ، جاۋاپ بەرۋدەن باس تارتقان. ب ا ق وكىلدەرى بالانىڭ جاسىنا بايلانىستى ەشقانداي جازا قولدانىلماعانىن جازىپ جاتىر.