تۇركياداعى جەر سىلكىنىسى: قازا بولعاندار سانى 12,3 مىڭنان استى
توتەنشە جاعدايلار مەن اپاتتار جونىندەگى باسقارمانىڭ (AFAD) مالىمەتىنشە، كاحرامانماراشتاعى ءزىلزالا سالدارىنان 12 391 ادام كوز جۇمدى، 62 914 ادام جاراقات الدى.
حالىقتى ورنالاستىرۋ ءۇشىن 70818 شاتىر تىگىلگەن.
AFAD دەرەگىنە سايكەس، 6 اقپان كۇنى كاحرامانماراش- پازاردجيك اۋدانىندا 7,7 بالل قۋاتىمەن جانە ەلبيستاندا 7,6 بالل قۋاتىمەن جەر سىلكىنگەننەن كەيىن 648 افتەرشوك بولدى. جەراستى ءدۇمپۋى ەلدىڭ 10 پروۆينتسياسىندا، سونداي- اق كورشىلەس ەلدەردە، سونىڭ ىشىندە سيريادا سەزىلدى.
كەشە، 8- اقپاندا تۇرىك ەلىندە 5,4 ماگنيتۋداسىمەن تاعى ءبىر سىلكىنىس تىركەلدى.
ەسكە سالايىق، قازاقستان قۇتقارۋشىلارى مىنگەن بورت 7- اقپان كۇنى گازيانتەپكە قونعان بولاتىن. ماماندارىمىزدىڭ ەكىنشى توبى گازيانتەپكە كەشكە كەشقۇرىم جەتتى.
قازىر تۇركياداعى جەر سىلكىنىسى كەزىندە جوعالىپ كەتكەن قازاقستاندىقتار ىزدەستىرىلىپ جاتىر. ولاردىڭ ءبىرى - سابينا مامادياروۆا 8- اقپان كۇنى كەشكە امان- ەسەن تابىلدى.
فوتو: aa.com.tr
رەداكتور
گۇلميرا الياكپاروۆا