ابايدىڭ 12 ۇرپاعى سوعىسقا اتتانىپ، 3 ۋى عانا ءتىرى ورالعان - باسپا سوزگە شولۋ
الماتىدا ءالى دە بولسا سەل ءجۇرۋ قاۋپى جوعارى. بۇل تۋرالى «ايقىن» باسىلىمىندا جاريالانعان سۇحباتتا «قازسەلدەنقورعاۋ» مم وندىرىستىك پايدالانۋ ءبولىمىنىڭ جەتەكشىسى مۇرات قاسەنوۆ ءمالىم ەتتى.
ونىڭ ايتۋىنشا، تالعارداعى جاعداي ءالى دە قاۋىپتى كۇيدە ساقتالىپ تۇر.
«شامامەن، سەل سەكۋندىنا 5-10 مىڭ تەكشەمەتردى قۇراپ وتىر. سۋ جىبەرۋگە ارنالعان تالعار بوگەتىندەگى سۋ تۇراقتى تۇردە اعىزىپ جىبەرىلۋدە. ماماندارىمىزبەن بىرگە وسى اۋماقتى تىكۇشاقپەن بارلاپ قايتتىق. كومسومول مۇزداعىندا №5, 6, 7, 8, 8-ا مورەنا وزەندەرى تىكۇشاقپەن باقىلاۋ بارىسىندا قاۋىپتى ايماق تىزىمىنە ەنگىزىلدى. سونداي- اق بىزگە الماتى وبلىسى اكىمدىگىنەن بىرنەشە تاپسىرمالار جۇكتەلىپ وتىر. جۇكتەمە بويىنشا ءقاۋىپتى ۋچاسكەلەردە جەكە قۇرام جانە تەحنيكالىق قۇرالدار دايىنداۋ مىندەتى باسا نازارعا الىنعان.
قارعالىدا بولعان سەل تاسقىنى بويىنشا دا ماماندارىمىز جۇمىلدىرىلۋدا. سونداي- اق سالالىق «الماتى گيدرولوگيا» جشس قىزمەتكەرلەرى قارعالى وزەنىنە زەرتتەۋ جۇمىستارىن جۇرگىزىپ جاتىر. وسى سالاداعى ارىپتەستەرىمىز ءقازىر ءقاۋىپتىڭ جوقتىعىن ەسكەرتتى»، - دەيدى ول.
سۇحباتتى تولىعىمەن «قازىر سەل ءجۇرۋ قاۋپى جوعارى» اتتى ماتەريالدان وقۋعا بولادى.
قازاقستاندا جۇلدە قورى 10 ملن. تەڭگە بولاتىن «التىن تۇلپار» الامان بايگەسى وتپەك، دەپ جازادى «ايقىن» گازەتى.
«نۇر وتان» پارتياسىنىڭ قولداۋىمەن ق ر ۇلتتىق سپورت تۇرلەرى قاۋىمداستىعى، ق ر مادەنيەت جانە سپورت مينيسترلىگى جانە «سامۇرىق- قازىنا» ۇلتتىق ءال- اۋقات قورىنىڭ ۇيىمداستىرىلۋىمەن جۇزەگە اساتىن «التىن تۇلپار» الامان بايگەسى 6 -قىركۇيەك كۇنى اقمولا وبلىسىنىڭ قابانباي باتىر اۋىلىندا وتەدى دەپ جوسپارلانۋدا.
تۋرنيرگە رەسپۋبليكامىزدىڭ 14 وبلىسى مەن استانا، الماتى قالالارىنىڭ ءارقايسىسىنان 10 سايگۇلىكتەن، ياعني بايگەگە كەمىندە 160 ات قاتىسادى دەپ كۇتىلۋدە. جارىسقا سايگۇلىكتەردىڭ بارلىق تۇقىمدارى قاتىستىرىلادى. ەكىنشى رەت ۇيىمداستىرىلىپ وتىرعان باسەكەنىڭ باستى ەرەكشەلىگى مىنادا: بۇل جولى بايگە جولى ۇزارتىلدى. ياعني وتكەن جىلى 43 شاقىرىمعا سوزىلسا، بيىل قاشىقتىق 51 شاقىرىمعا جەتىپ وتىر. ۇيىمداستىرۋشىلاردىڭ باستى كوزدەگەن ماقساتى - قازاقتىڭ بايىرعى ءتول ونەرىن قايتا جاڭعىرتىپ، سايگۇلىكتەردىڭ اراسىنان شىن جۇيرىكتى انىقتاۋ»، - دەلىنەدى «التىن تۇلپار» الامان بايگەسى وتەدى» اتتى تاقىپپەن بەرىلگەن ماقالادا.
سونداي- اق وسى شارا اياسىندا «ات سىنشىسى» بايقاۋى ۇيىمداستىرىلادى. اتا ءداستۇرىن جالعاپ، شىن جۇيرىكتى جازباي تانىعان سىنشىعا «تولىباي سىنشى»، «كۇرەڭباي سىنشى»، «كەيحاۋىس سىنشى» اتىنداعى ارنايى جۇلدەلەر تاعايىندالىپ وتىر. سونداي-اق ۇلتتىق جادىگەرلەر كورمەسى مەن ۇلتتىق قولونەر شەبەرلەرىنىڭ شەبەرحانا كورىنىسى ۇيىمداستىرىلىپ، ات تاعالاۋشى شەبەرلەردىڭ جارىسى وتەدى.
***
«ەگەمەن قازاقستان» باسىلىمىندا «قازاق عارىشكەرىنىڭ ساپارى» اتتى ماقالا جاريالانىپ، ايدىن ايىمبەتوۆتىڭ عارىشتا اتقاراتىن قىزمەتى تۋرالى كەڭ ماعلۇماتتار بەرىلىپ وتىر.
ساپار 10 تاۋلىككە سوزىلماقشى. بۇل تۋرالى كەشە الماتىدا قازاقستان باسپا ءسوز كلۋبىندا جۋرناليستەرمەن بولعان كەزدەسۋدە ۇلتتىق عارىش اگەنتتىگى ءتوراعاسىنىڭ ورىنباسارى ەركىن شايماعامبەتوۆ مالىمدەدى.
«جۋرناليستەردى قازاقستاندىق عارىشكەر ايدىن ايىمبەتوۆ جايلى ماعلۇماتتار قىزىقتىردى. ە. شايماعامبەتوۆ بۇل كۇندى 2009 -جىلدان بەرى كۇتىپ جۇرگەندەرىن، وكىنىشكە قاراي، ەلدەگى ەكونوميكالىق داعدارىستىڭ سالدارىنان ول ماقساتتارىنا جەتە الماعانىن، ەندى قازاقستان مەن رەسەي باسشىلىعىنىڭ شەشىمى بويىنشا قازاقستاندىق عارىشكەردىڭ بيىل قىركۇيەك ايىندا عارىشقا ۇشاتىنىن، سونىمەن قاتار، وسى ۇشۋ ساپارى بارىسىندا قازاقستاندىق عالىمداردىڭ تاپسىرماسىمەن زەرتتەۋلەر جۇرگىزۋ ماقساتىندا ءبىرقاتار عارىشتىق تاجىريبەلەر جۇرگىزىلەتىندىگىن جەتكىزدى»، - دەلىنگەن ماتەريالدا.
- بۇل ءبىرىنشى باعدارلاما ەمەس، - دەدى ءتوراعا ورىنباسارى. - وتاندىق باعدارلامالار بويىنشا كۇنى بۇگىنگە دەيىن ءتورت عارىشتىق ساپار جۇزەگە استى. ازىرگە جوسپارلانىپ وتىرعان مىندەتتەر سول باعدارلامالاردىڭ جالعاسى. عارىشتا قازاقستاندىق عارىشكەر وتاندىق عىلىم ءۇشىن ءبىرقاتار تاجىريبەلەر جۇرگىزەتىن بولادى. ايدىن ايىمبەتوۆ «بايقوڭىر» عارىش ايلاعىنان استانا ۋاقىتى بويىنشا ۇستىمىزدەگى جىلدىڭ 2 -قىركۇيەگىندە تاڭعى ساعات 10:30 دا ۇشادى. 12 -قىركۇيەكتە شامامەن تاڭعى ساعات 7 دە قونۋ جوسپارلانعان. ەكسپو-2017 حالىقارالىق كورمەسى قارساڭىندا ءبىز عارىشتا ءبىرقاتار شارالاردى جۇزەگە اسىرۋدى جوسپارلاپ وتىرمىز. ونىڭ ۇستىنە بۇل ۇشۋ ساپارى قازاق حاندىعىنىڭ 550 جىلدىعىن تويلاۋ شارالارىمەن سايكەس كەلەدى. سوندىقتان عارىشكەرىمىز ايدىن ايىمبەتوۆ حالىقارالىق عارىش ستانساسىنان كۇللى الەمگە قازاقستاندا بولىپ جاتقان يگى شارالار جايىندا اڭگىمەلەيتىن بولادى»، - دەدى ەركىن مۇستافا ۇلى.
سونىمەن قاتار «ەگەمەن قازاقستان» گازەتىندە «ابايدىڭ 12 ۇرپاعى سوعىسقا اتتانىپ، 3 ۋى عانا ءتىرى ورالعان» اتتى ماقالا جاريالاندى.
«ۇلى وتان سوعىسىنىڭ ارداگەرى، جازۋشى- جۋرناليست، اباي اۋدانىنىڭ قۇرمەتتى ازاماتى، رەسپۋبليكالىق دارەجەدەگى زەينەتكەر ءارى 91 جاستاعى مايدانگەر جاعىپار ءجۇنىسجان ۇلى اقساقال جاقىندا جەڭىستىڭ 70 جىلدىعىنا ارناپ ارنايى كىتاپ شىعاردى. كىتاپ التى بولىمنەن تۇرادى. مۇندا مايدانگەرلەردىڭ جانە تىل ەڭبەككەرلەرىنىڭ ءومىرباياندارى مەن حاتتارى، سوعىس كەزىندە شىعارىلعان ولەڭدەرى مەن ەستەلىكتەرى جيناقتالعان. رەداكتورى اسەت مىرزاقاسىموۆتىڭ ايتۋىنشا، كىتاپتا سوعىسقا اتتانعان اباي ۇرپاقتارى تۋرالى ارنايى ءبولىم بار. وندا اقىننىڭ 12 ۇرپاعى سوعىسقا اتتانىپ، 3 ۋى عانا ءتىرى ورالعانى تۋرالى جازىلعان»، - دەلىنگەن اتالمىش ماقالادا.
سول جىلدارى اباي اۋدانىنان شاقىرىلعان 330 ادامنىڭ باسىم بولىگى كۋزباسس پەن كەمەروۆ قالالارىنداعى شاحتا جۇمىستارىنا جىبەرىلىپتى. كىتاپتىڭ اۆتورى، قادىرمەندى اقساقال جاعىپار ءجۇنىسجان ۇلى بۇل كۇندەرى اباي اۋدانىنداعى كوزى ءتىرى قالعان جالعىز عانا ارداگەر، وسىنداي ماڭىزدى اقپاراتتارعا تولى كىتاپتى شىعارۋدى كوپتەن بەرى ارمانداپ جۇرگەن ەكەن. بۇعان دەيىن ول «تۋ تىككەن توبىقتىنىڭ قولباسشىسى» دەپ اتالاتىن ءبىرىنشى كىتابىن شىعارعان. ول كىتاپ ماماي باتىردىڭ نەمەرە ءىنىسى، سونىڭ تۋىن كوتەرىپ كوزگە تۇسكەن توقتامىس لاقا ۇلىنا ارنالىپتى.
***
«ەكسپرەسس ك» باسىلىمى بۇرىن پارامەن ۇستالعان شەنەۋنىكتەردىڭ بۇرىنعى «ادەتىنە» سالىپ جاتقاندىقتارىن جازۋدا.
«حالىق ايتادى: شەنەۋنىكتى قانشا اسىراساڭ دا، ءبارىبىر وزگەنىڭ قالتاسىنا قارايدى. سونىڭ جارقىن مىسالى - الماتى وبلىسى ىلە اۋدانىندىق اكىمدىگىنىڭ ەكى جاۋاپتى قىزمەتكەرىنىڭ پارامەن ۇستالۋى.
جەمقورلىققا قارسى كۇرەسمۆەدومستۆوسىنىڭ قىزمەتكەرلەرىمەن ىلە اۋدانى اكىمىنىڭ كومەكشىسى جۇماعۇلوۆ پەن كاسىپكەرلىك ءبولىمىنىڭ باس مامانى ەرقوجانوۆا ۇستالدى. ولار جەر ۋچاسكەسىنىڭ ماقساتىن اۋىستىرۋ ءۇشىن 21 مىڭ دوللار سۇراعان. بىرنەشە جىل بۇرىن قاراساي اۋدانى اكىمىنىڭ ورىنباسارى بولعان جۇماعۇلوۆ جەمقورلىق داۋىنا ىلىگىپ ەدى. دەگەنمەن ول كەزدە شەنەۋنىك سۇتتەن اق، سۋدان تازا شىققان بولاتىن. ەندى بۇل جولى ول جاۋاپكەرشىلىكتەن قاشىپ كەتە المايدى»، - دەلىنگەن «كوگدا جە ۆى ناجرەتەس؟» اتتى ماقالادا.
اۆتور: جاسۇلان جولدىبايەۆ