ارمەنيادا اۆتوبۋس پەن زيل سوقتىعىسىپ، 11 ادام قازا بولدى
13:53, 14 - تامىز 2023
ەرەۆان. ارمەنپرەسس - قازاقپارات - 14-تامىز كۇنى ساعات 00:30 دا ارمەنيانىڭ ەرەۆان-گيۋمري تاسجولىندا جول اپاتى بولدى، دەپ حابارلايدى قازاقپارات ارمەنپرەسسكە سىلتەمە جاساپ.
وقيعا لاندجيك اۋىلىنا جاقىن ماڭدا بولعان.
قۇتقارۋ قىزمەتىنىڭ مالىمەتىنشە، جولدىڭ 90-شاقىرىمىندا «فولكسۆاگەن» جولاۋشىلار شاعىن اۆتوبۋسى مەن «زيل» جۇك كولىگى سوقتىعىسقان. اپاتتان 11 ادام قازا تاپتى.
گيۋمري مەديتسينا ورتالىعىنىڭ اقپاراتىنا سايكەس، اۋرۋحاناعا زارداپ شەككەن 7 ادام جەتكىزىلگەن. كەيىن ونىڭ ءبىرى ەرەۆانداعى «ەرەبۋن» مەديتسينا ورتالىعىنا اۋىستىرىلعان.