«قورعانىس ونەركاسىبىن دامىتۋ جونىندەگى تۇجىرىمداما ازىرلەندى. ونىڭ شەڭبەرىندە 2029 -جىلعا دەيىن زاماناۋي تەحنولوگيالاردى ترانسفەرتتەۋ جانە قارۋ- جاراق پەن اسكەري تەحنيكانىڭ جەتەكشى الەمدىك وندىرۋشىلەرىمەن ءوندىرىستى وقشاۋلاۋدى ۇلعايتۋ جونىندەگى جوبالار ىسكە اسىرىلاتىن بولادى.
وتاندىق قايتا وڭدەۋشىلەردى بازالىق شيكىزاتپەن قولايلى باعامەن قامتاماسىز ەتۋ بويىنشا زاڭنامالىق تۇزەتۋلەر پاكەتى دايىندالدى.
اۋىل شارۋاشىلىعى تەحنيكاسىن ليزينگ بويىنشا قارجىلاندىرۋ تەتىگىنىڭ 2 نۇسقاسى پىسىقتالىپ جاتىر: ءبىرىنشىسى - رەسپۋبليكالىق بيۋدجەت ارقىلى، ەكىنشىسى - وندىرۋشىلەردىڭ كەڭەيتىلگەن مىندەتتەمەلەرى وپەراتورىنىڭ قاراجاتى ەسەبىنەن»، - دەدى مينيستر.
ونىڭ سوزىنە قاراعاندا، 2030 -جىلعا دەيىنگى كولىك- لوگيستيكالىق الەۋەت تۇجىرىمداماسىنىڭ جوباسى ازىرلەنگەن. بەكىتۋ مەرزىمى - جىلدىڭ سوڭىنا دەيىن.
«2029 -جىلدىڭ سوڭىنا دەيىن 11 مىڭ شاقىرىم تەمىرجول ۋچاسكەسىن جوندەۋ جوسپارلانىپ وتىر. 2023 -جىلى 882 شاقىرىم تەمىرجولدا جۇمىس جۇرگىزىلەتىن بولادى.
ينفراقۇرىلىمدىق تەمىرجول جوبالارىن ىسكە اسىرۋ باستالدى. «دوستىق- مويىنتى» ۋچاسكەسىنىڭ ەكىنشى جولدارىنىڭ قۇرىلىسى بيىل قاراشا ايىندا باستالدى. قالعان جوبالار بويىنشا تەحنيكالىق قۇجاتتاما ازىرلەنىپ جاتىر.
رەسپۋبليكالىق ماڭىزى بار اۆتوجولدار مەن جەرگىلىكتى جەلىنى سالۋ جانە رەكونسترۋكسيالاۋ جالعاسۋدا. 2029 -جىلدىڭ سوڭىنا دەيىن رەسپۋبليكالىق ماڭىزى بار جانە جەرگىلىكتى ماڭىزى بار 22 مىڭنان استام اۆتوجولدىڭ قۇرىلىسى مەن جول جوندەۋ جۇمىستارىمەن قامتۋ جوسپارلانىپ وتىر. جەرگىلىكتى اتقارۋشى ورگاندارمەن بىرلەسىپ ءبىز ءىرى قالالاردا ەلەكتروموبيلدەر ءۇشىن قاجەتتى ينفراقۇرىلىمدى قۇرۋ جونىندەگى جول كارتاسىن ازىرلەۋگە كىرىستىك»، - دەدى قايىربەكس وسكەنبايەۆ.
اۆتور
ەسىمجان ناقتىباي