ماڭعىستاۋلىق اتا-انا 11-سىنىپ وقۋشىلارىن ۇ ب ت-دان باسقا سىناقتاردان بوساتۋدى ۇسىندى
ءوڭىر تۇرعىنى 11-سىنىپتاعى وقۋشىلاردىڭ ءبولىمدى جيىنتىق باعالاۋ جانە توقساندى جيىنتىق باعالاۋ تەستىنىڭ قيىن بولاتىنىن ايتىپ شاعىمدانعان.
ويتكەنى بۇل قوسىمشا تەستتەردى تاپسىرۋ ۇلتتىق ءبىرىڭعاي تەستكە دايىندالىپ جۇرگەن وقۋشىلاردىڭ زەيىنىن بولەدى.
سەبەبى بۇل باقىلاۋ جۇمىستارىن، وقۋشىلار بارلىق مەكتەپ ءپانى بويىنشا تاپسىرادى.
ال بۇل ءوز كەزەگىندە ۇ ب ت-داعى تاڭداۋ پاندەرىنە دايىندالاتىن ۋاقىتتى الادى ەكەن.
ونىڭ شاعىمىنا وبلىستىق ءبىلىم باسقارماسىنىڭ وكىلى جاۋاپ بەردى.
- ءبولىمدى جيىنتىق باعالاۋ جانە توقساندى جيىنتىق باعالاۋ جۇرمەسە، وقۋشىعا توقساندىق باعا شىقپايدى. توقساندىق باعا شىقپايتىن بولسا، 11-سىنىپ وقۋشىسى اتتەستات المايدى. اتتەستات الماعان بالا ۇ ب ت- عا دا بارا المايدى. سوندىقتان، ۇ ب ت- عا دايىندىقتى ساباقتان تىس ۋاقىتتا جانە سەنبى، جەكسەنبى كۇندەرى 1-2 ساعات ۋاقىت ءبولۋدى ۇسىنامىز، - دەدى ءبىلىم باسقارماسىنىڭ وكىلى كلارا قۇلاتايەۆا.
قوعامدىق كوممۋنيكاتسيا ورتالىعىنىڭ مالىمەتىنشە، قازىرگى تاڭدا وبلىس اكىمدىگىنىڭ Telegram كانالىنا 12082 ادام تىركەلگەن. وسى ۋاقىتقا دەيىن قولدانۋشىلاردان 13860 سۇراق كەلىپ تۇسسە، ونىڭ 13834 ى شەشىمىن تاپتى.