وبلىستىق پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەندەي، قىرعىزستان رەسپۋبليكاسىنان 2011 -جىلى اتىراۋعا كەلگەن تۋىستارىمەن رەنجىسىپ قالعان.
«قىرعىزستان رەسپۋبليكاسىنان ەكى ازامات 2011-جىلى اتىراۋ قالاسىنا كيىم- كەشەك ساتىپ، ساۋدامەن اينالىسۋعا كەلگەن. سول جىلى اتىراۋدا ءبىراز ۋاقىت بولعان سوڭ اپكەسى ەلىنە كەرى ورالماق بولىپ، ال، ءسىڭلىسى وسى قالادا قالۋعا شەشىم قابىلدايدى. ەكى باۋىردىڭ اراسى سول جىلى اجىراعان. ال، 2013 -جىلى سوڭعى ەكەۋى تەلەفون ارقىلى سويلەسىپ، سودان كەيىن ءسىڭلىسى بايلانىسقا شىقپاعان. اپالى- سىڭلىلەر اراسىنداعى بايلانىس 9 جىلعا ۇزىلگەن»، - دەپ حابارلادى دەپارتامەنتتىڭ باسپاءسو قىزمەتى.
وسى دەرەككە بايلانىستى وبلىستىق پوليتسيا دەپارتامەنتى باستىعىنىڭ بۇيرىعىمەن قۇرىلعان ارنايى جەدەل ىزدەستىرۋ توبى جوعالعان قىرعىزستاندىقتى ىزدەستىرۋ جۇمىستارىنا كىرىسكەن. كەيىن بەلگىلى بولعانداي، قىرعىزستاندىق ايەل تۋىستارىمەن رەنجىسىپ، بايلانىستى ۇزۋگە بەل بۋعان. تۋىستارى ونى اتىراۋعا بىرنەشە رەت ىزدەپ كەلگەنىمەن، ەش ناتيجە شىقپاعان. كريمينالدىق پوليتسيا باسقارماسىنىڭ قىزمەتكەرلەرى جوعالعان قىرعىز قىزىن ىزدەۋ ءىس- شاراسىن ناتيجەلى جۇرگىزدى. قازىر ول اپكەسىمەن، وتباسىمەن قاۋىشتى.
«ءبىر- ءبىرىمىزدى 11 جىل بويى كورمەگەن ەدىك. ونىمەن كەزدەسۋدى 11 جىل بويى ارماندادىم. كەزدەسۋدى اسىعا كۇتتىم. قۋانىشىمدا شەك جوق»، - دەپ كوزىنە جاس الدى سىڭلىسىمەن كەزدەسكەن اپكەسى.
ەسكە سالا كەتەلىك، بۇدان بۇرىن اتىراۋدا ءزابىر كورگەن 10 ايەل مەن 23 بالا داعدارىس ورتالىعىنا ورنالاسقانىن حابارلاعان بولاتىنبىز.
اۆتور: بەك مۇستافا