كاسىپورىن تاراتقان مالىمەتتەرگە قاراعاندا، قازاقستان تەرريتورياسىنىڭ باسىم بولىگىندە اتموسفەرالىق فرونتالدى بولىكتەردىڭ وتۋىنە بايلانىستى اۋا رايى قۇبىلمالى بولادى. رەسپۋبليكانىڭ باسىم بولىگىندە جاڭبىر، قار جاۋادى.
تۇندە ەلىمىزدىڭ وڭتۇستىك- شىعىسىندا تاۋلى اۋدانداردا نوسەر جاۋىن جاۋادى. تەك كۇندىز رەسپۋبليكانىڭ باتىسىندا عانا انتيتسيكلون جوتاسىنىڭ اسەرىنەن كۇن جاۋىن شاشىنسىز بولادى. كەي جەرلەردە تۇمان ءتۇسىپ، كوكتايعاق، بۇرقاسىن بولادى، جەل كۇشەيەدى.
قوستاناي، سولتۇستىك قازاقستان، اقمولا وبلىستارىنىڭ كەي جەرلەرىندە بۇرقاسىن بولىپ، تۇمان تۇسەدى، جەل 15-20 م/س جىلدامدىقپەن سوعادى، ەكپىنى 23-28 م/س بولادى.
اقمولا وبلاسىنىڭ كەي جەرلەرىندە كوكتايعاق بولادى.
قاراعاندى وبلىسىنىڭ كەي جەرلەرىندە جاياۋ بۇرقاسىن بولىپ، تۇمان تۇسەدى، كەي جەرلەردە جەل سەكۋندىنا 15-20 م/س جىلدامدىقپەن سوعادى، ەكپىنى 23-28 م/س بولادى.
الماتى، شىعىس قازاقستان وبلىستارىنىڭ كەي جەرلەرىنە تۇمان ءتۇسىپ، كوكتايعاق بولادى، كەي جەرلەرىندە جەل 15-20 م/س جىلدامدىقپەن سوعادى، ەكپىنى 25 م/س- قا دەيىن كۇشەيەدى.
پاۆلودار وبلىسىنىڭ ءبىرقاتار اۋماعىندا جاياۋ بۇرقاسىن، كوكتايعاق بولىپ، كەي جەرلەردە جەل سەكۋندىنا 15-20 -جىلدامدىقپەن سوعادى، ەكپىنى 25 م/س بولادى.
جامبىل وبلىسىنىڭ كەي جەرلەرىندە تۇمان ءتۇسىپ، كوكتايعاق بولادى، جەل 15-20 م/س جىلدامدىقپەن ەسەدى.
قىزىلوردا وبلىسىنىڭ كەي جەرلەرىندە كوكتايعاق بولادى، تاڭەرتەڭ جانە كۇندىز جەل 15-20 م/س- قا دەيىن كۇشەيەدى.
تۇركىستان وبلىسىندا تۇندە تاۋدا تۇمان تۇسەدى، كەي جەرلەردە جەل 15-20 م/س- قا دەيىن كۇشەيەدى.
باتىس قازاقستان وبلىسىنىڭ كەي جەرلەرىنە تۇمان تۇسەدى، تۇندە جەل 15-20 م/س جىلدامدىقپەن ۇيتقيدى.
اقتوبە وبلىسىنىڭ كەي جەرلەرىندە جاياۋ بۇرقاسىن بولىپ، جەل 18 م/س جىلدامدىقپەن سوعادى.
ماڭعىستاۋ وبلىسىنىڭ كەي جەرلەرىندە كوكتايعاق بولادى، اتىراۋ وبلىسىنىڭ كەي جەرلەرىندە - تۇمان.