قازاقستان اۋماعىنىڭ باسىم بولىگىندە اۋا رايىنا سالەحارد ايماعىنان كەلەتىن تسيكلون اسەر ەتەدى.
وسىعان بايلانىستى تۇراقسىز اۋا رايى ساقتالادى، جاۋىن-شاشىن (جاڭبىر، قار) جاۋادى. رەسپۋبليكانىڭ كەي جەرلەرىندە جەل ەكپىنى 25 م/س دەيىن كۇشەيەدى، تۇمان تۇسەدى، كوكتايعاق بولىپ، جاياۋ بۇرقاسىن سوعادى.
تەك ەلىمىزدىڭ وڭتۇستىك-شىعىسىندا انتيتسيكلون ىقپالىمەن جاۋىن-شاشىنسىز اۋا رايى ساقتالادى.
اقمولا، قوستاناي، سولتۇستىك قازاقستان، شىعىس قازاقستان وبلىستارىنىڭ كەي جەرلەرىندە تۇمان، كوكتايعاق، جاياۋ بۇرقاسىن بولادى، جەل قارقىنى - 15-20 م/س.
اقمولا، شىعىس قازاقستان وبلىستارىندا كۇندىز جەلدىڭ ەكپىنى 23 م/س جەتەدى.
قاراعاندى وبلىسىنىڭ كەي جەرلەرىندە كوكتايعاق، جاياۋ بۇرقاسىن كۇتىلەدى، جەل جىلدامدىعى 25 م/س دەيىن كۇشەيەدى.
اقتوبە، باتىس قازاقستان، پاۆلودار وبلىستارىنىڭ كەي جەرلەرىندە تۇمان، كوكتايعاق كۇتىلەدى، باتىس قازاقستان، پاۆلودار وبلىستارىندا كۇندىز جەلدىڭ كۇشى15-20 م/س جەتەدى.
جامبىل، تۇركىستان، ماڭعىستاۋ وبلىستارىنىڭ كەي جەرلەرىندە تۇمان تۇسەدى، جامبىل، ماڭعىستاۋ وبلىستارىندا جەل قارقىنى - 15-20 م/س.
قىزىلوردا وبلىسىنىڭ كەي جەرلەرىندە جەل جىلدامدىعى 15-20 م/س دەيىن كۇشەيەدى.