اقمولا وبلىسىندا اۆتوجولدارعا 11 بلوك پوست قويىلدى
ايماقتا كوروناۆيرۋس ينفەكتسياسىنىڭ تارالۋىن بولدىرماۋ ءۇشىن 24 -شىلدە كۇنى 00:00-دەن باستاپ اقمولا وبلىسىندا كارانتيندىك شارالار ەنگىزىلدى، ول لوكداۋن اياقتالعانعا دەيىن ارەكەت ەتەدى. بۋراباي اۋدانى ەرەكشە باقىلاۋدا بولادى، مۇندا 6 پوست بار، 7 ءموبيلدى توپ جۇمىس ىستەيتىن بولادى. زەرەندى جانە ەرەيمەنتاۋ اۋداندارى دا كىرەتىن جول جابىلادى. مۇنداعى باقىلاۋ- وتكىزۋ پۋنكتەرى سايدالى جانە سامال كولدەرىنىڭ جولدارىندا ورنالاسقان. پوليتسيا دەپارتامەنتىنىڭ حابارلاۋىنشا، ايماق اۋماعىندا 11 بلوكپوست پەن 10 ءموبيلدى توپ جۇمىس ىستەي باستايدى. مۇندا 100-گە جۋىق پوليتسيا قىزمەتكەرى قىزمەت ەتەدى. ەسكە سالا كەتەيىك، اقمولا وبلىسىنىڭ باس سانيتار دارىگەرىنىڭ وبلىستاعى رەكرەاتسيالىق جانە كۋرورتتىق ايماقتاردا كارانتيندىك ءىس- شارالاردى كۇشەيتۋ تۋرالى قاۋلىسى شىققان بولاتىن. باسقارما قىزمەتكەرلەرى ازاماتتاردى ۋاقىتشا شەكتەۋلەرگە تۇسىنىستىكپەن قاراۋعا جانە ايماقتاعى ەپيدەميولوگيالىق احۋالدى جاقسارتۋ ءۇشىن ەرەجەلەردى قاتاڭ ساقتاۋعا شاقىرادى.