مينيستر جاۋابى: 11- مامىردان كەيىن وقۋشىلار قالاي وقيدى
بۇل تۋرالى ق ر ءبىلىم جانە عىلىم ءمينيسترى اسحات ايماعامبەتوۆ تىكەلەي ەفير بارىسىندا ءمالىم ەتتى، دەپ حابارلايدى قازاقپارات ءتىلشىسى.
«پرەزيدەنت ايتقانداي، مەكتەپ، كوللەدج، ۋنيۆەرسيتەتتەر قاشىقتان جۇمىسىن جالعاستىرا بەرەدى. قاشىقتان جۇمىس ىستەپ كەلە جاتقانىمىزعا ءۇش اپتا بولدى. وسىلاي جۇمىس ىستەۋگە ۇيرەنىپ قالدىق. باستاپقىدا تۋىنداعان سۇراقتار قازىر جوق. پروتسەسس ءجۇرىپ جاتىر جانە بۇعان قاتىستى ۇلكەن ماسەلە جوق»، - دەيدى مينيستر.
سونداي- اق اسحات ايماعامبەتوۆ وقۋ جىلى قاشان اياقتالاتىنىن ايتتى. «ق ر ءبىلىم جانە عىلىم مينيسترىلىگىنىڭ بۇيرىعى بويىنشا وقۋ جىلىن كەستە بويىنشا اياقتايمىز. 25 - مامىردا ورتا ءبىلىم بەرۋ مەكەمەلەرىنىڭ بارىندە وقۋ جىلى اياقتالادى»، - دەيدى ول.
ەسكە سالايىق، بۇگىن ق ر پرەزيدەنتى قاسىم- جومارت توقايەۆ مالىمدەمە جاساپ، توتەنشە جاعداي رەجيمى بيىلعى 11- مامىرعا دەيىن جالعاساتىنىن ايتتى.
اۆتور: زارينا قاھارمان