بۇل تۋرالى قازاقپارات ەڭبەك جانە الەۋمەتتىك قورعاۋ مينيسترلىگىنىڭ باسپا ءسوز قىزمەتىنە سىلتەمە جاساپ حابارلايدى.
اعىمداعى جىلدىڭ 1- ساۋىرىنەن باستاپ ەلباسىنىڭ «الەۋمەتتىك قامقورلىق» الەۋمەتتىك شارالارىن جۇزەگە اسىرۋ اياسىندا جاڭارتىلعان اتاۋلى الەۋمەتتىك كومەك الۋعا قۇجاتتاردى قابىلداۋ باستالدى.
ا ا ك تاعايىنداۋ تۋرالى وتىنىشتەر جۇمىسپەن قامتۋ جانە حالىققا قىزمەت كورسەتۋ ورتالىقتارىندا، سونداي-اق اۋىلدىق اكىمدىكتەردە قابىلدانۋدا.
«ءبىرىنشى كۇنى اتاۋلى الەۋمەتتىك كومەك تاعايىنداۋ ماسەلەلەرى بويىنشا كەڭەس الۋعا 18137 ادام جۇگىنگەن، ونىڭ ىشىندە 11220 ادام ءتيىستى ءوتىنىش بەردى. ءوتىنىش بىلدىرگەندەردىڭ باسىم بولىگى الماتى وبلىسىندا - 2712، قاراعاندى وبلىسىندا - 2086، تۇركىستان وبلىسىندا - 1800 تىركەلدى. ادامدار ەڭ از جۇگىنگەن ماڭعىستاۋ وبلىسىندا - 70 ادام».
بۇدان باسقا، جەرگىلىكتى اتقارۋشى ورگاندار 40805 وتباسىنىڭ دەرەكتەرىن جاڭارتتى، ولارعا بۇرىن تاعايىندالعان ا ا ك قايتا ەسەپتەۋ جۇرگىزىلەدى.
قازاقستان رەسپۋبليكاسىنىڭ تۇڭعىش پرەزيدەنتى - ەلباسىنىڭ تاپسىرمالارىن ساپالى ورىنداۋدى قامتاماسىز ەتۋ ماقساتىندا ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ قىزمەتكەرلەرى ا ا ك تاعايىنداۋ جانە تولەۋ بويىنشا كەڭەس بەرۋگە وڭىرلەرگە باردى.
سونىمەن قاتار، قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگى اتاۋلى الەۋمەتتىك كومەك جۇگىنگەن ايدان باستاپ تاعايىندالاتىنىن جانە ءوتىنىش بەرۋ كۇنىنە تاۋەلدى ەمەس ەكەنىن ەسكە سالادى.