قازگيدومەت: 11-جەلتوقساندا كەي وڭىرلەردە جەل كۇشەيىپ، بۇرقاسىن بولادى

استانا. قازاقپارات - 11- جەلتوقساندا وڭتۇستىكتەن جىلجىعان تسيكلوننىڭ اسەرىنەن ەلدىڭ سولتۇستىك، شىعىس، وڭتۇستىك-شىعىس جانە ورتالىق وڭىرلەرىندە جاۋىن-شاشىن بولادى، ال قالعان اۋماعىندا كۇن اشىق.

قازگيدومەتتىڭ حابارلاۋىنشا، رەسپۋبليكانىڭ كەي جەرلەرىندە تۇمان، كوكتايعاق كۇتىلەدى، جەل كۇشەيەدى. الماتى وبلىسىنىڭ كەي جەرلەرىندە تۇمان، كوكتايعاق بولۋى ىقتيمال.

جالاڭاشكول اۋدانىندا جەلدىڭ كۇشەيۋى 18-23، ەكپىنى 28 م/س جەتەدى.

شىعىس قازاقستان، ماڭعىستاۋ وبلىستارىنىڭ كەي جەرلەرىندە جەلدىڭ جىلدامدىعى 15-20 م/س، كۇندىز شىعىس قازاقستان وبلىسىندا جاياۋ بۇرقاسىن بولادى.

قاراعاندى، اقمولا وبلىستارىنىڭ كەي جەرلەرىندە بۇرقاسىن، تۇمان، قاراعاندى وبلىسىندا كەي جەرلەردە كوكتايعاق كۇتىلەدى.

جامبىل، اتىراۋ، باتىس قازاقستان وبلىستارىنىڭ كەي جەرلەرىندە تۇمان ءتۇسىپ، كوكتايعاق بولۋى مۇمكىن. تۇركىستان، قىزىلوردا، قوستاناي وبلىستارىندا كەي جەرلەردە تۇمان تۇسەدى.