استانادا 11 مەملەكەتتىڭ سيرك ونەرىنىڭ مايتالماندارى باس قوسادى
باسقارما تاراتقان مالىمەتتەرگە قاراعاندا، جىل سايىن استانانىڭ تۋعان كۇنىنە وراي ەلوردادا ونداعان ءتۇرلى شارا ۇيىمداستىرىلادى. ونىڭ ىشىندە فەستيۆالدەر، كونسەرتتەر مەن كونكۋرستار بار. وسى شارالاردىڭ باسىم بولىگىن وتكىزۋ يگى داستۇرگە اينالعان. ال، «ازيا جاڭعىرىعى» حالىقارالىق فەستيۆالى ورتالىق ازيادا وتەتىن بىرگەي شارا.
فەستيۆال شىلدەنىڭ 4 ءى مەن 8 ءى ارالىعىندا وتەدى جانە وندا سيرك ونەرىنىڭ ەڭ مىقتى دەگەن ارتيستەرى وزدەرىنىڭ ۇزدىك جەتىستىكتەرىن كوپشىلىك نازارىنا ۇسىنادى.
استانالىق سيرك كۇمبەزىنىڭ استىندا ەكى كونكۋرستىق باعدارلاما اياسىندا 12 مەملەكەتتەن 60 تان اسا ارتيست ونەر كورسەتەدى! بيىل استاناعا قازاقستان، قىرعىزستان، وزبەكستان، تۇرىكمەنستان، ۆەتنام، رەسەي، بەلارۋس، فرانسيا، كانادا، نيكاراگۋا، ەفيوپيا جانە ۆەنگريا ەلدەرىنىڭ سيرك ونەرىنىڭ مايتالماندارى باس قوسادى.
سيرك يندۋسترياسى مەن مادەنيەت قايراتكەرلەرىنەن قۇرىلعان حالىقارالىق تورەشىلەر كومانداسى قاتىسۋشىلاردىڭ شەبەرلىگىن باعالايدى.
قازىلار القاسىنىڭ ءتوراعاسى - «استانالىق سيرك» م ك ق ك باس ديرەكتورى، ق ر ەڭبەك سىڭىرگەن ءارتيسى ەرىك جولجاقسىنوۆ. بۇدان باسقا، قازىلار القاسىنىڭ قۇرامىنا ۋكراينا ۇلتتىق سيركىنىڭ ديرەكتورى، ك س ر و حالىق ءارتيسى ليۋدميلا شيەۆچەنكو (ۋكراينا)، بەلارۋس مەملەكەتتىك سيركىنىڭ ديرەكتورى ۆلاديمير شابان (بەلارۋس)، مونتە- كارلوداعى حالىقارالىق تيرك فەستيۆالىنىڭ ۆيتسە-پرەزيدەنتى ۋرس پيلس (مونتە- كارلو)، «لاتينو» حالىقارالىق سيرك فەستيۆالىنىڭ پرەزيدەنتى فابيو مونتيكو (يتاليا)، ۆەلكي سيركىنىڭ باس ديرەكتورى دجەرزي كوزياك، ماياميدەگى فاەربەرد پروداكشن كومپانياسىنىڭ پرەزيدەنتى پەتر دۋبينسكي، «ەريەۆان تيركىنىڭ» كوركەمدىك جەتەكشىسى، باس ديرەكتورى سوس يوسيف پەتروسيان (ارمەنيا)، ساحا رەسپۋبليكاسىنىڭ «مارفا جانە سەرگەي راستورگۋيەۆتار اتىنداعى مەملەكەتتىك سيركىنىڭ» ديرەكتورى سەرگەي راستورگۋيەۆ (ياكۋتيا)، ۋكراينا مەملەكەتتىك سيرك كومپانياسىنىڭ ديرەكتورى ءارى كوركەمدىك جەتەكشىسى سەرگەي كاباكوۆ (ۋكراينا)، «سيرك ارتيستەرىنىڭ اسسوتسياتسياسى» قوعامدىق ۇيىمىنىڭ مۇشەسى- قۇرىلتايشىسى لوليتا ليپينسكا (لاتۆيا)، تۇرىكمەندىك سيرك ديرەكتورى يلامانوۆ اننامۋحاممەد (تۇركمەنستان)، قازاق مەملەكەتتىك تيركىنىڭ ديرەكتورى - كوركەمدىك جەتەكشىسى، مادەنيەتتانۋشى باقىت بوكەبايەۆ (قازاقستان) جانە «وڭتۇستىك-سيرك» باس ديرەكتورى ارمان اليەۆ (قازاقستان) ەندى.
مۇنىمەن قوسا، قۇرمەتتى قوناق رەتىندە فەستيۆالعا ۆەنگريادان تانىمال ءپىل ۇيرەتۋشى ريچارد تاكاس پەن ۋكراينادان شوۋ-باعدارلامالاردىڭ جەتەكشىسى ۆيكتوريا گريتسەنكو شاقىرىلدى.