بۇل جونىندە قازاقپاراتقا ق ر ءى ءى م توتەنشە جاعدايلار كوميتەتى حابارلادى.
جەلدەن ەداۋىر قاتتى زارداپ شەككەن عيماراتتار اياگوز جانە جارما اۋداندارىندا ورنالاسقان.
اياگوز اۋدانىنىڭ اياگوز قالاسىنداعى كوپسالالى قازاق مەكتەپ-گيمنازياسىنىڭ جۇلىنعان شاتىرىنىڭ اۋماعى 450 شارشى مەتردى قۇرادى، ال №10-قازاق مەكتەپ- گيمنازياسى عيماراتىنىڭ 78 شارشى مەترىن ۇشىرىپ اكەتكەن.
اياگوز اۋدانىنىڭ مامىرسۋ اۋىلىندا س. عابباسوۆ اتىنداعى ورتا مەكتەپتىڭ عيماراتىنىڭ 120 شارشى مەترىن، سونداي-اق، جارما اۋدانىنىڭ قالباتاۋ اۋىلىنداعى جارما اۋداندىق اۋماقتىق ينسپەكسياسىنىڭ عيماراتىنىڭ شاتىرىنىڭ 180 شارشى مەتر اۋماعىن جۇلىپ اكەتكەن.
ال جارما اۋدانىنىڭ شار قالاسىندا «بالاۋسا» بالاباقشاسى عيماراتىنىڭ شاتىرىنىڭ 450 شارشى مەتر اۋماعى قيرادى.
اتالمىش ورىنداردا جەرگىلىكتى اتقارۋشى ورگانداردىڭ كوميسسيالارى جۇمىس جاساۋدا. قازا تاپقاندار مەن جاپا شەككەندەر جوق.