اشتىقتان زارداپ شەككەندەر سانى ءبىر جىل ىشىندە 11 ميلليونعا ارتتى - ب ۇ ۇ
بۇل دەرەكتەر 22 -ناۋرىزدا جاريالانعان اتالعان ۇيىمنىڭ بايانداماسىندا ايتىلعان.
جالپى الەمدەگى اشتىققا قاقتىعىستار، ەكسترەمالدى اۋا رايى جاعدايى مەن ونىمەن بايلانىستى ازىق-تۇلىك باعاسىنىڭ قىمباتتاۋى كوپ سەبەپ بولادى. ايتالىق، 18 ەلدەگى، ونىڭ ىشىندە 15 ەل افريكا مەن تاياۋ شىعىستا ورنالاسقان مەملەكەتتەردەگى اسكەري قاقتىعىستار ەلدەردىڭ اشتىقتىڭ جايلاۋىنا الىپ كەلگەن.
«اشىققان ادامدار سانى ميانما، نيگەريانىڭ سولتۇستىك-شىعىسى، كونگو رەسپۋبليكاسى، وڭتۇستىك سۋدان جانە يەمەندەگى تاراپتار اراسىنداعى تەكە-تىرەس پەن تۇراقسىزدىق ەسەبىندە وسكەن. شىعىس جانە وڭتۇستىك افريكا ەلدەرىندەگى ۇزاققا سوزىلعان قۇرعاقشىلىق بۇل تىزىمدەگىلەردىڭ سانىن ارتتىرعان»، - دەلىنگەن حالىقارالىق ۇيىمنىڭ بايانداماسىندا.
ب ۇ ۇ 2018 -جىلى اۋعانستان، ورتالىق افريكا رەسپۋبليكاسى، كونگو، نيگەريا، وڭتۇستىك سۋدان، چاد وزەنى وڭىرلەرى، سيريا، ليۆيا، مالي سىندىق ەلدەردە ازىق- تۇلىك جەتىسپەۋشىلىگى بايقالاتىندىعى بولجاۋدا.