فۋتبولدان قازاقستان قۇراماسى سوڭعى 11 جىلدا ەڭ ناشار ناتيجە كورسەتتى

استانا. قازاقپارات - فۋتبولدان قازاقستان ۇلتتىق قۇراماسى 2018 -جىلعى الەم چەمپيوناتىنىڭ ىرىكتەۋ كەزەڭىن وتە ءساتسىز وتكىزدى، دەپ حابارلايدى prosports.kz.

رەسەيدە وتەتىن الەمدىك دودانىڭ ىرىكتەۋ كەزەڭىندە قازاقستان جەڭىسكە جەتە الماي، ءۇش ۇپاي عانا ەنشىلەدى.

بۇل سوڭعى 11 جىلداعى ەڭ ناشار كورسەتكىش بولدى. 2006 -جىلعى الەم چەمپيوناتىنىڭ ىرىكتەۋىندە ۇلتتىق قۇرامامىز ءبىر عانا ۇپاي جيناعان بولاتىن. ال كەلەسى ىرىكتەۋ كەزەڭىندە (ەۋروپا چەمپيوناتى-2008) 10 ۇپاي ەنشىلەگەن. بۇل ازىرشە قازاقستاننىڭ ەڭ ۇزدىك ناتيجەسى سانالادى.

قازاقستان قۇراماسىنىڭ الەم جانە ەۋروپا چەمپيوناتتارىنا ىرىكتەۋ كەزەڭىنىڭ ناتيجەلەرى:

الەم چەمپيوناتى-2018 - 3 ۇپاي

ەۋروپا چەمپيوناتى-2016 - 5 ۇپاي

الەم چەمپيوناتى-2014 - 5 ۇپاي

ەۋروپا چەمپيوناتى-2012 - 4 ۇپاي

الەم چەمپيوناتى-2010 - 6 ۇپاي

ەۋروپا چەمپيوناتى-2008 - 10 ۇپاي

 الەم چەمپيوناتى-2006 - 1 ۇپاي.