مەكتەپكە جول: اتىراۋلىق 11 مىڭنان استام مەكتەپ وقۋشىسىنا كومەك كورسەتىلەدى
07:30, 02 - تامىز 2017
اتىراۋ. قازاقپارات - «مەكتەپكە جول» اكسياسى اياسىندا اتىراۋلىق 11 مىڭنان استام مەكتەپ وقۋشىسىنا كومەك كورسەتىلەدى، دەپ حابارلايدى قازاقپارات.
«2017 -جىلى «مەكتەپكە جول» اكسياسى «مەنىڭ تاڭداۋىم - بالالارعا كومەك كورسەتۋ» اتتى ۇرانمەن وتەدى. اكسيانىڭ ماقساتى - الەۋمەتتىك جاعىنان از قامتىلعان، اسىراۋشىسى جوق جانە اتا- اناسىنىڭ قاراۋىنسىز قالعان بالالارعا كومەك كورسەتۋ. ەگەر وتكەن جىلى كومەكتى قاجەت ەتەتىن بالالار سانى 14 مىڭ 868 بولسا، بيىل ولار 11 مىڭ 502 بولىپ وتىر»، - دەپ حابارلادى اتىراۋ وبلىستىق ءبىلىم بەرۋ باسقارماسى باسشىسىنىڭ ورىنباسارى قايىرعالي كەنجەعاليەۆ.
اكسيا 1 -تامىزدا باستالدى جانە قىركۇيەكتىڭ سوڭىنا دەيىن جالعاسادى. ۇيىمداستىرۋشىلار اتالمىش شاراعا بارلىق ازاماتتاردى قاتىسۋعا شاقىرىپ وتىر، اسىرەسە ءوڭىردىڭ بيزنەس سالاسىنىڭ وكىلدەرىن.