استانا. قازاقپارات - تاعى 16 ادام قارۋ ۇستاعان ەر ادامنىڭ شابۋىلىنان جاراقات الدى، دەپ حابارلايدى korrespondent.net.
وڭتۇستىك سۋدان استاناسى دجۋبا قالاسىنىڭ ماڭىندا اتىس قارۋىمەن قارۋلانعان ەر ادام اعىلشىن پرەمەر-ليگاسىن تاماشالاپ وتىرعان فۋتبول جانكۇيەرلەرىنە قاراي وق جاۋدىردى. وسى ارەكەتتىڭ سالدارىنان 11 ادام مەرت بولىپ، تاعى 16 ادام جاراقاتتاندى.
كۋاگەرلەردىڭ سوزدەرىنشە، اتىس قارۋىن ۇستاعان بىرنەشە ادام 50 جانكۇيەر وتىرعان عيماراتقا كىرىپ كەلگەن. ولاردىڭ بىرەۋ جانكۇيەلەرگە وق جاۋدىرا باستاعان. ادامداردىڭ بارلىعى وسى ساتتە جاتا قالعان. شابۋىلداۋشىلار عيمارات ىشىندە 10 مينۋتتاي بولعان.
كۋاگەرلەردىڭ ءبىرى وق اتقان ازاماتتىڭ وزىنە سەنىمدى ەكەنىن جانە ءوزىن ەركىن ۇستاعانىن ايتادى. الدىن الا مالىمەتتەر بويىنشا، بۇل جاعدايعا جانكۇيەرلەر اراسىندا تۋعان جانجال سەبەپ بولۋى مۇمكىن. شابۋىلدىڭ ناقتى سەبەبى ازىرگە بەلگىسىز. پوليتسيا كۇدىكتىلەردى ىزدەستىرۋگە كىرىستى.