ءۇندىستاننىڭ شىعىسىندا توك سوعۋ سالدارىنان 11 ەرەۋىلشى قازا تاپتى
08:06, 12 - ءساۋىر 2016
استانا. قازاقپارات - ب ا ق وكىلدەرى حابارلاعانداي، ءۇندىستاندا قايعىلى وقيعا ورىن الدى.
توك سوعۋ سالدارىنان نارازىلىق بىلدىرۋگە شىققان 11 ادام مەرت بولدى.
ءۇندىستاننىڭ شىعىسىندا ورنالاسقان اسسام شتاتىندا پوليتسەي ۋچاسكەسىنىڭ ماڭىنا ەرەۋىلشىلەر جينالعان.
ءبىر ساتتە نارازىلىق شاراسىنا قاتىسۋشىلاردىڭ ۇستىنە ەلەكتر سىمى قۇلادى. سالدارىنان 11 ادام اجال قۇشتى، تاعى 20 نارازىلىق ءبىلدىرۋشى جاراقاتتاندى.
قازىر وقيعانىڭ ءمان- جايى انىقتالىپ جاتىر.