بايدىبەكتە 11 ينۆەست جوبا ىسكە اسپاق - و ق و
اكىمنىڭ ايتۋىنشا، اۋدان الەۋەتىن ارتتىرۋ ماقساتىندا قوسىمشا ينۆەستيتسيالار تارتۋ بويىنشا ءۇش باعىتتا جۇمىستار اتقارىلۋدا.
ءبىرىنشى - جالپى قۇنى 929 ميلليون تەڭگە بولاتىن تراۆەرتين تاستارىن وندىرەتىن ءتورت جوبا بولسا، ەكىنشى بالامالى ەلەكتر ەنەرگياسىن وندىرەتىن تاعى دا ءتورت جوبا ىسكە اسپاق. ال ءۇشىنشى باعىتتاعى جوبالار اۋىل شارۋاشىلىعى سالاسىنا ارنالىپ وتىر. بۇل تۋرالى و ق و اكىمىنىڭ باسپا ءسوز قىزمەتىنەن حابارلادى.
«ولار تاۋارلى ءسۇت فەرماسى جانە ءسۇتتى قايتا وڭدەۋ زاۋىتى مەن اسىل تۇقىمدى ءىرى قارا مال شارۋاشىلىعى جانە قۇرىلىس ماتەريالدارىن شىعاراتىن ءوندىرىس ورىندارى»، ‒ دەدى اۋدان باسشىسى. ودان بولەك، وبلىس اكىمىنىڭ يندۋستريالدى ايماقتار قۇرۋ تۋرالى تاپسىرماسىنا سايكەس، بورالداي اۋىلدىق وكرۋگى جىلاندى ەلدى مەكەنىنەن 21 گەكتار جەر بەلگىلەنگەن. قاجەتتى ينفراقۇرلىم تارتۋعا 326,6 ميلليون تەڭگە قارالىپ، قۇرىلىس جۇرگىزىلۋدە. سونداي-اق، يندۋستريالدى ايماقتى ۇلعايتۋ ماقساتىندا قوسىمشا 39 گەكتار جەر بەلگىلەنىپ، ناتيجەسىندە 60 گەكتار جەتىپ وتىر.
بۇل ايماققا جوعارىدا اتالعان تراۆەرتين تاستارىن وندىرەتىن ءتورت زاۋىت ەنگىزىلمەك. سونىمەن قاتار، اۋداننان 895 گەكتار جەر تەلىمى اراب ينۆەستورى شەيح حاليفانىڭ قۇس ءوسىرۋ ورتالىعىنا بەرىلىپ، بۇگىنگە دەيىن مۇندا 3,5 ميلليارد تەڭگە شەتەل ينۆەستيتسياسى تارتىلدى. وندا 120 ادام جۇمىس اتقارسا، ونىڭ 30 پايىزى اۋدان تۇرعىندارى.
الداعى ۋاقىتتا جوبانىڭ ەكىنشى كەزەڭى ىسكە اسىپ، تاعى 3,5 ميلليارد تەڭگە شەتەل ينۆەستيتسياسى تارتىلماق. اۋدان اكىمدىگى مەن قۇس ءوسىرۋ ورتالىعىنىڭ باسشىلىعى اراسىندا كەلىسىم جاسالىپ، جوبانى جۇزەگە اسىرۋ ناتيجەسىندە جاڭادان اشىلاتىن 400 گە جۋىق جۇمىس ورنىنىڭ 80 پايىزىنا بايدىبەكتىك تۇرعىندارى قامتىلاتىن بولادى.
«سونىمەن قاتار، قوسىمشا كىرىس كوزدەرىن قالىپتاستىرۋ ءۇشىن قۇس ءوسىرۋ ورتالىعىن سالىق تولەۋشى رەتىندە اۋدان ەسەبىنە تىركەۋ ماقساتىندا ءتيىستى جۇمىستار اتقارىلۋدا»، - دەپ باياندادى ب. كوشەرباي.